عربستان بوییچه افغانستان ایلچیسی احمدجاوید مجددی، بوگون افغانستان تینچلیگی توغریسیده مکه ده یولگه قوییلگن دین عالم‌لری و مفتی‌لرنینگ قوشمه ییغینیده ایتیشیچه، افغانستان ده تینچلیک تأمین‌لنیشی گه عربستان و پاکستان نینگ اونملی نقشی بار.
جناب مجددی گه کوره، پاکستان و عربستان افغانستانده‌گی اوروش نی حرام اعلام قیلیب و تینچلیک سوزلشوولریدن حمایت‌لرینی واقعی شکلده کورسه‌تیش‌لری کیره‌ک.
شونینگدیک عربستان بوییچه افغانستان ایلچیسی نینگ ایتیشیچه، اوروش و زوروانلیک‌لرنی دوام تاپیشی افغانستان ده انسان حقلر وضعیتی نی کوپ یمان قیلگن. اونگه کوره، مملکتده‌گی اوروش جهاد معناسیگه کیلمه‌یدی، بلکیم بو اوروش کوپراق قدرت نی قولگه کیلتیریش اوچون دیر.
بیزلرنینگ فیسبوک صحیفه‌میزگه هم باش اورینگ!
عین حالده، عربستان بوییچه پاکستان ایلچیسی بلال اکبر، دین عالم‌لری نینگ ییغینیده ایتیشیچه، مملکتی افغانستان ده اوروش یکونله‌نیشی نی ایسته‌یدی و افغانستانلیکلرارا سوزلشوولردن هرتامانلمه حمایت قیله‌دی. جناب بلال گه کوره، افغانستان ده تینچلیک و برقرارلیک پاکستان و منطقه‌ده تینچلیک و برقرالیک تأمین‌لنیش معناسیگه کیله‌دی.
پاکستان ایلچیسی نینگ اورغولشیچه، افغانستان موضوعی اوروش آرقه‌لی حل بولمه‌یدی و اوروش تامان‌لری سیاسی سوزلشوولر آرقه‌لی قیینچیلیک‌لرینی حل قیلیش‌لری کیره‌ک.
مذکور ییغینده پاکستان عالم‌لری باشلیغی نورالحق قادری، تیزلیککه تینچلیک تأمین‌لنیشی نی سوره‌ب و بو توغریده عالم‌لرنینگ نقشی نی اونملی دیگن.
بیزلرنینگ توییترده هم تعقیب قیلینگ!
شونینگدیک مملکت حج و اوقاف وزیری قاسم حلیمی، افغانستان ده تینچلیک تأمین‌لنیشی گه پاکستان نینگ نقشی نی اونملی دیب و ایتیشیچه، افغانلر تینچ بیر فضا ده حیات کیچیریش حقی گه ایگه دیر. جناب حلیمی گه کوره، تینچلیک برابریده‌گی توسیقلر تیزلیککه کوتاریلیب و اوروش یکونله‌نیشی کیره‌ک.
مذکور ییغین نینگ باشقه اعتراضچی‌لری افغانستان ده اوروش تامان‌لری آرقه‌لی تیزلیککه آتیش کیسین اعلام ایتیلیشی نی سوره‌شگن.
