کنر محلی مسووللری نینگ ایتیشلریچه، بوگون “دوشنبه” ایرتهدن چاغیده اوشبو ولایت مرکزی اسدآباد شهریده «حسن قرائت» نامیده قرآنکریم تلاوت قیلیش بیلشووی راکتی هجوم آستیگه قرار بیریلگن.
اوشبو بیلشوو کنر ولایتی بوییچه حج و اوقاف ریاستی هماهنگلیگی بیلن جمهورلیک ریاستی تامانیدن یولگه قوییلگن ایدی. ایتیلیشیچه، راکت اوقی ولایت مقامی نینگ تالاریده اصابت قیلگن.
کنر حاکمی محمداقبال سعید نینگ ایتیشیچه، مذکور راکت طالبان تامانیدن آتیلگن و نتیجهده ۱۳ حافظ و ۳ حربی یرهلنگن.
کنر ولایتی بوییچه حج و اوقاف ریاستی باشلیغی نورالمعبور احساس هم مذکور واقعهده یرهلنگنلرنی تصدیقلگن.
کنر ولایتی کسلخانهسی باشلیغی عطاالله صافی نینگ ایتیشیچه، اوشبو واقعهگه یرهلنگن ۱۵ کیشی کسلخانهگه انتقال بیریلگن و اولردن کوپراغینی قرآنکریم حافظ لری تشکیل بیرهدی. کنر ولایتی کسلخانهسی باشلیغی نینگ کوپهیتیریشیچه، یرهلنگنلردن ۳ تهسی نینگ ساغلیک وضعیتی خواطرلنترووچی دیر.
طالبان گروهی حاضرگهقدر بوتوغریده فکر بیلدیرمهگن.