بلخ یشاوچیلری ینگی قویاش ییل‌دن نشانلش اوچون اوتمیش ییللر کبی تیارگرلیک آلگن‌لیکلریدن خبربیریب ایتیشلریچه، اسلامی امارت‌دن تیارگرلیکلری یانیده جنهنده‌بالا نوروز بیره‌میدن نشانلش اوچون ایزین بیریشلرینی طلب قیله‌دیلر.
گل سرخ و نوروز بیره‌می افغانستان و خصوصاً بلخ یشاوچیلری نینگ باستانی عرف-عادتلریدن دیر. نیچه مینگ ییل‌لیک تاریخ گه ایگه نوروزم بیرمی، کوکلم فصلی باشله‌نیشی وافغانستان نینگ اوتمیش نسل‌لریدن قالگن میراث دیر.
بیزلرنینگ فیسبوک صحیفه‌میزگه باش اورینگ!
نوروز بیره‌می دن هر بیر تاریخی دوره‌ده اوشه زمان شرایطی گه اساس تورلی شکلده نشانلنگن دیر و مملکت کوپینچه ولایتلری جمله‌دن کابل، مزارشریف، هرات، بدخشان، بامیان و قندهار ولایت‌لریده طنطنه‌لی و خاص شکلده نشانلنه‌دی.
بو ییل هم بلخ یشاوچیلری اسلامی امارت بیراقی آستیده باشقه ولایتلردن کیله‌یاتگن مهمانلردن یخشی شکلده کوتیب آلیش اوچون تیارگرلیک آلگنلر. اولر اسلامی امارت‌دن افغانستان سابق دولتی کبی اهالی یانیده توریب نوروز بیره‌می دن تجلیل قیلیشلرینی سوره‌گن.
بلخ یشاوچیلریدن بیری احمد نینگ ایتیشیچه، اهالی اوتمیش ییللر کبی نوروز بیره‌مینی نشانلش اوچون تیارگرلیک آلگنلر و اسلامی امارت محلی مسئوللری هم شهرنی بیزه‌لتیریش ایشلرینی باشلهگنلر. او اسلامی امارت‌دن یشاوچیلر یانیده توریب جهنده‌بالا مراسمی نی یولگه قویشی نی سویره‌یدی.
بلخ یشاوچیلریدن باشقه بیری زمری نینگ ایتیشیچه: «بیزسابق ییللر کبی نوروز بیره‌می دن نشانلش اوچون تیارگرلیک آلگنمیز و اسلامی امارت اهالی خوف سیزلیگینی تامینلش‌ده همکارلیک قیلیشی نی سوره‌یمیز.»
بیزلرنینگ توییترده هم تعقیب قیلینگ!
شونده‌ی بیرحالده، بلخ ولایتی بلدیه باشلیغی قدرت‌الله طارق نینگ ایتیشیچه، اولر برچه اداره‌لر بیلن شهرنی تازه‌لش اوچون حصه قوشیب، شهرنی افغانستان برچه ولایتلریدن کیلگن مهمانلرنی کوتیب آلیش اوچون تیار قیله‌دیلر، بیراق اونینگ ایتیشیچه، جهنده‌بالا مراسمی یولگه قوییلیشی اوچون یوقاری مرتبه‌لی مقاملرنینگ بویروغینی کوتیب تورگنلر.
نوروز بیره‌می و جهنده‌بالا مراسمی هر ییل مزارشریف شهریده یولگه قویلهدی بیراق بو ییل اوشبو مراسم یولگه قوییلیشی اوچون اسلامی امارت مقاملری تامانیدن حاضرگچه قرار آلینمه‌گن دیر.
