اسلامی امارت نینگ قدرت گه ایریشگنیدن کیین، مملکت‌ده بانکی سیستم‌لر چیکلاو‌لر بیلن روپه‌ره بولیب و بیر ییل اوتیشی بیلن، حاضرگچه اوشبو چیکلاو‌لر موجود دیر.
قندوز یشاوچیلریدن قطاری نینگ ایتیش‌لریچه، خصوصی بانک‌لرده‌گی چیکلاو‌لر سبب، پولی خذمت‌لر اوچون صرافی‌لر گه مراجعت قیله‌دیلر.
بیزلرنینگ توییترده هم تعقیب قیلینگ!
قندوز یشاوچیلریدن الیاس احمد نینگ ایتیشیچه: «بانک‌ده پولی بولگن کیشی‌لر حاضرگچه پول‌لری نی آلالمهگنلر و سوداگرلیک هم قیینچیلیک بیلن روپه‌ره بولگن، انه شوو سبب اهالی ایشلری نی صرافی یولیدن انجام بیره‌دی. سرپرست حکومت تامانیدن بو قیینچیلیک حل بولیب و بانکی سیستم نینگ فعال قیلینیشی خصوصیده امید‌وارمیز.»
شونده‌ی بیرحالده، قندوز ده صراف‌لر نینگ ایتیش‌لریچه، اهالی گه خصوصی بانک‌لر خذمت‌لری نینگ بوشلیگی نی بیراز تولدره آلگنلر.
قندوز ده صراف‌لردن بیری علی ترکمن نینگ ایتیشیچه: « سونگی اوزگریش‌لر سبب بانک‌لر فعالیتی توخته‌گنیدن کیین، اوشبو صراف‌لر قندوز ولایتی‌ده کسبه‌کارلر، دوکان‌دارلر و تیل ساتووچیلر نینگ قیین‌چیلیک‌لری نی حل قیلیش اوچون سعی و حرکت قیلگن.»
باشقه بیر تاماندن، قندوز ده خصوصی بانک‌لردن بیری نینگ ایشلاوچیسی محمد پرویز زازی نینگ ایتیشیچه، مملکت‌ده سونگی اوزگریش‌لردن کیین، خصوصی بانک‌لر پولی قیین‌چیلیک‌لر بیلن روپه‌ره بولگن و اوشبو قیینچیلیک اهالی گه بانکی خذمت‌لر ارائه‌سیده چیکلاو یره‌تیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
بو توغریده افغانستان مرکزی بانک مسئوللری نینگ فکری نی آلیش اوچون سعی و حرکت قیلدیک، بیراق موفق بولمه‌دیک.
ایتیش کیره‌ک که، خصوصی بانک‌لر نینگ مشتری‌لری بیر ییل‌دن کوپراق اوتگنی بیلن، بیراق حاضرگچه مکمل شکلده پول‌لری نی بانک‌لردن آلالمهگنلر.
