قندوز ساغلیق نی سقلش مسئوللری نینگ ایتیشلریچه، هوا نینگ ایسیق بولگنی بیلن، اوشبو ولایت‌ده یوقمه کسللیکلر گه چلینگنلر سانی کوپهیگن.
قندوز ولایتی کووید ۱۹ و انتانی کسل‌لیگی نینگ ۵۰ یاتاقلی کسل‌خانه رئیسی قیام‌الدین صافی نینگ سلام‌وطندار گه ایتیشیچه، اوتگن بیر آی‌جریانیده، بیش مینگ ۵۰ کیشی اوشبو کسل‌خانه گه مراجعت قیلگن که، اولر ارا، قیزه‌میق، کانگو، کووید ۱۹ و ایچ کیتمه کسل‌لیگی گه چلینگن ۵۴۰ کسل، بستر بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوشبو کسل‌خانه‌ده برچه خذمت‌لر رایگان دیر و آغاخان تامانیدن حمایت بوله‌دی. برچه وطن‌داشلریمیز‌دن نظافت نی رعایت قیلیش‌لرینی ایسته‌من. شونینگدیک حاضر ایسه اوشبو کسل‌خانه‌ده ۴۳ کسل بستر دیر که، اولردن تورت‌ته‌سی کانگو و باشقه‌سی ایسه انتانی کسللیکلر دیر.»
بغلان ولایتی دوشی تومنی‌دن قندوز نینگ ۵۰ یاتاقی کسل‌خانه‌سیگه قیزی نی دوالش اوچون کیلگن بابا نینگ ایتیشیچه: «قیزیم ۱۲ یاشر دیر. کانگو گه چلینگن و اونی بو دوالنیشی اوچون کیلتیردیم. حاضر ایسه دوالنیشی یخشی بیر شکلده صورت انجام بیریله‌دی. توقیز کون‌دن بیری بو ییرده‌میز.»
قندوز ساغلیق نی سقلش ریاستی سرپرستی رحمت‌الله توطاخیل، ناپاک سوولردن قوللنیش و نظافت مراعت بولمه‌گن ییرلرده حیات کیچیریش نینگ، یوقمه کسللیکلر گه چیلینیش عاملی عنوان قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هوا نینگ ایسیشی بیلن، ایچ کیتمه، محرقه و باشقه یوقمه کسللیکلر کوپه‌یه‌دی؛ انه شوو سبب اهالی و باله‌لر ناپاک سوو و ناپاک ییر گه قول اورمه‌یشلری کیره‌ک. آغاخان تامانیدن برچه تومن‌لر و حوزه‌‌ی کسل‌خانه‌لرده، یوقمه کسللیکلر اوچون مخصوص ساغلیق مرکزلر ایجاد بولگن.»
ایتیش کیره‌ک که، هر ییل قندوز ده هوا نینگ ایسیشی بیلن، اوشبو ولایت‌ده یوقمه کسللیکلر کوپه‌یه‌دی.
