Asset 1SWN

سلام وطندار

قندوز؛ طالبان اوچووچی‌سیز اوچاق آرقه‌لی، ۲۱۷- پامیر قول اردوسی اوستیگه هجوم قیلگن

IMG-20201104-WA0021-p1e73d9yxqzjz5vacv8z0ti0ewjzbjs35dwmp2tqj8

قندوز امنیتی منبع‌لری نینگ ایتیش‌لریچه، طالبان گروهی‌گه تیگیشلی ایکی اوچووچی‌سیز اوچاق ۲۱۷ پامیر قول اردو قومندانلیگی اوستیگه هجوم قیلگن.

امنیتی بیر منبع نینگ کیم‌لیگی سیر‌قالیش‌نی ایسته‌ب سلام‌وطندارگه ایتیشیچه، بوگون “جمعه” توشدن آلدین ساعت ۱۰:۳۰ ده طالبان گروهی نینگ ایکی اوچووچی‌سیز اوچاغی ۲۱۷- پامیر قول اردو قومندانلیگی‌نی هجوم آستیگه قرار بیرگن.

منبع نینگ ایتیشیچه، مذکور هجوم نتیجه‌سیده ملی اردو بیر اوچاغی تخریب ایتیلگن. منبع نینگ کوپه‌یتیریشیچه، اوچووچی‌سیز اوچاق‌لر ۲ ساعت ۲۱۷- قول اردو قومندانلیگی اوستیگه قالگن، لیکن ملی اردو کوچلری سقوط بیریش‌گه موفق بولمه‌گن.

۲۱۷- قول اردو قومندانلیگی سوزلاوچیسی عبدالهادی نظری، بو واقعه‌نی تصدیق‌لگن، لیکن حربی واسطه‌لر تخریب ایتیلگنی نی رد قیلگن.

۲۱۷- پامیر قول اردو قومندانلیگی سوزلاوچیسی نینگ کوپه‌یتیریشیچه، اوچووچی‌سیز اوچاق تامانیدن آتیلگن اوق‌لر ملی اردو بیر اوچاغی نینگ یقینیده توشگن، بیراق زیان ییتیشمه‌گن.

بوندن آلدین سلام‌وطندار تامانیدن نشر قیلینگن بیر گزارشده قندوز ولایتی کینگش اعضالری و محلی مسوول‌لری طالبان گروهی نینگ اوچووچی‌سیز اوچاق‌لری بارلیگیدن خواطر بیلدیرگن ایدی‌لر.

نیچه پیت آلدین اوچووچی‌سیز اوچاق تامانیدن آتیلگن بیر هاوان نیتجه‌سیده قندوز حاکمی قوروقچی‌لریدن ۴ ته‌سی هلاک ایتیلگن ایدی.

طالبان گروهی حاضرگه‌قدر بوتوغریده فکر بیلدیرمه‌گن.

مرتبط با این خبر:

کلیدی کلمه‌لر: //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام