Asset 1SWN

قندوز ولایتی بوییچه مخدره ماده‌‎گه قرشی کوره‌ش مدیری رشوه آلیش عیبی بیلن قولگه آلینگن

شهر-کندز-2-p3dn12xnp1bo6s58gs3uvmlu1nn9kpis1wy5o54wb8

امنیتی منبع‌لرنینگ ایتیش‌لریچه، قندوز پولیس قومندانلیگی نینگ مخدره ماده‌گه قرشی کوره‌ش مدیری رشوه آلیش عیبی بیلن قولگه آلینگن.

امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، قندوز پولیس قومندانلیگی نینگ مخدره ماده‌گه قرشی کوره‌ش مدیری خال‌الدین خالد بیر قاچاقچی‌نی ۶۰۰ مینگ افغانی‌گه قرشی آزاد قیلگنی سبب قولگه آلینگن.

منبع نینگ ایتیشیچه، ایچکی ایشلر وزیرلیگی بو موضوع دن آگاه بولگنیدن سونگ، قندوز ولایتی بوییچه مخدره ماده‌گه قرشی کوره‌ش مدیرینی قولگه آلیش اوچون خاص بیر عملیات یولگه قوییگن و نتیجه‌ده مذکور اداره ایکی ایشلاوچی‌سی قولگه آلینگن؛ لیکن مخدره ماده‌گه قرشی کوره‌ش مدیری عملیات دن آلدین قاچیب کیتگن.

منبع گه کوره، قندوز ولایتی بوییچه مخدره ماده‌گه قرشی کوره‌ش مدیری نیچه کون آلدین خاص بیر عملیات آرقه‌لی کابلدن قولگه آلینگن.

قندوز محلی و امنیتی مسوول‌لری بو توغریده معلومات بیرمه‌گن.

ایتیلیشیچه، قندوز قماقخانه‌سی نینگ مدیری اوتگن کونی قولگه آلینمسدن آلدین نامعلوم جای‌گه قاچیب کیتگن ایدی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام