بغلانده بیرعایله نینگ اقارب‌لرینی ایتیش‌لریچه، مذکور عایله کمبغللیک سبب، ۳ باله‌سینی ساتیش‌گه قرار قیلگن.
اوشبو عایله اقارب‌لریدن بیری اسدالله (مستعار اسم) نینگ سلام‌وطندارگه ایتیشیچه، مذکور عایله ایرکگی نی ایکی تورموش اورتاغی (خاتینی) و ۷ فرزندی بار. اسدالله نینگ ایتیشیچه، اوشبو عایله کمبغللیک سبب، ایکی فرزندینی ۵۰ مینگ افغانی ساتگن و باشقه بیر کیچیک قیزینی پولگه قرشی یاشی یوقاری بولگن بیر ایرکک‌که بیرگن.
اسدالله گه کوره، مذکور کیشی پول‌نی قولگه کیلتیرگنیدن سونگ، یوقالگن. بو واقعه اوتگن هفته پلخمری شهری نینگ کرکر منطقه‌سیده یوز بیرگن.
مذکور عایله نینگ اقارب‌لریگه کوره، اولرنینگ اقتصادی قیین‌چیلیکلری حاضرگه‌قدر حل بولمهگن و حاضرده هم کمبغللیک بیلن روپه‌ره دیرلر و یاردم صورت تاپمه‌گن حالده، باشقه باله‌لرینی هم ساتیش‌گه قویشی ممکن.
اقارب‌لری نینگ ایتیش‌لریچه، ساتیلگن باله نینگ آنه‌سی یمان وضعیتده حیات کیچیرهدی و عاجل یاردم گه نیازی بار.
ایتیلیشیچه، سابق حکومت سقوط قیلگنیدن سونگ، خلق ارا جماعه‌سی نینگ افغانستانده‌گی یاردم‌لری محدود بولیب و افغانستان گه تیگیشلی کوپ‌قطار پول دنیا بانک‌لریگه توخته‌تیلگن و بو وضعیت افغانستان اهالیسیگه اقتصادی نقطه‌نظردن زیان ییتیشتیرگن.
