افغانستان نینگ تورلی ولایت‌لریده هوا نینگ ایسیق بولیشی بیلن، ارزگان یشاوچیلریدن قطاری نینگ ایتیشلریچه، اوی‌لری نینگ ساووق قیلیش اوچون امکانیت‌لری یوقلیگی سبب، باله‌لری تورلی‌خیل کسل‌لیک‌لر گه چلینگن.
ارزگان یشاوچیلریدن گل آغا، اوشبو ولایت یشاوچیلری نینگ یامان اقتصادی وضعیتی‌دن خواطر بیلدیریب ایتیشیچه: «ارزگان یشاوچیلریدن ۷۰ فایزی، اوی‌لری نینگ ساووق قیلیش اوچون کولر و پکه آلیش گه کوچلری ییتیشمه‌یدی.»
بیزلرنینگ توییترده هم تعقیب قیلینگ!
شونینگدیک ارزگان یشاوچیلریدن باشقه بیری دین‌محمد نینگ ایتیشیچه: «اوشبو ایکی اوچ هفته‌ده هوا جوده‌یم ایسیق بولگن. باله‌لریمیز کسل بولیب کسل‌خانه گه کیتگن. اهالی جوده‌یم کمبغل دیر.»
شونده‌ی بیرحالده، ارزگان ساغلیق نی سقلش مسئوللری نینگ ایتیشلریچه، هر کون قریب ۵۰ باله موسومی کسل‌لیک‌لر گه چلینیش طفیلی، اوشبو ولایت مرکزی کسل‌خانه‌سی گه انتقال تاپه‌دی.
ارزگن ولایتی کسل‌خانه‌سی نینگ باله‌لر بولیمی مسئولی عبدالوارث رحیمی نینگ ایتیشیچه، ارزگان ده موسومی کسل‌لیک‌لر ترقه‌لیشی، باشقه موسوم‌لر گه قره‌گنده ۳ برابر کوپه‌یگن و مذکور ولایت‌ده باله‌لردن ۸۰ فایزی ایچ کیتمه گه چلینگن دیر.
بیزلرنینگ فیسبوک صحیفه‌میزگه باش اورینگ!
جناب رحیمی نینگ کوپه‌یتیریشیچه: «جاری موسوم‌ده هوا جوده‌یم ایسیق و میکروب‌لر کوپه‌یه‌دی. موسومی کسل‌لیک‌لر ۳ برابر بولگن و هر کون ۲۰-۵۰ کسل بو ییر گه بستر بوله‌دی.»
جاری ییل‌ده هوا نینگ شدتلی شکلده اوزگریشی سبب، باشقه مملکت‌لر یانیده افغانستان هم ایسیق هوا نینگ تجربه قیلماقده که، یشاوچیلر نینگ دایمی برق و ساووق قیلووچی وسیله‌لردن فایده‌لنه آلمه‌سلیگی، اولر نی کوپینچه قیین وضعیت‌ده قرار بیرگن.
