نیمروز فرهنگی‌لری و مدنی فعال‌لریدن قطاری، اوشبو ولایت نینگ تاریخی مکان‌لری ناقانونی روشده قیدیریلیشیدن خواطر بیلدیریب ایتیشلریچه، سونگی ایکی ییل ده بو جریان کوپه‌یگن. اولر گه کوره، حکومت تاریخی آبده‌لردن محافظت قیلیش گه مسئول دیر.
نیمروز فرهنگی‌لریدن بولمیش مصطفی صدیقی نینگ ایتیشیچه: «اولر تاریخی آبده‌لرنی قازیب قیمت بها تاش‌لرنی تاپه‌دیلر، قیمت بها بویوم‌لر اوچون سابق‌لرده قلعه‌لر اطرافیده قوریلگن دیوارلرنی چپه قیلیشه‌دی، نیمروز ده‌گی قلعه‌لر اوشبو ولایت نینگ تاریخی بیلگیسی دیر، بو گَل ایشلرنی آلدینی آلیش کیره‌ک.»
بیزلرنینگ فیسبوک صحیفه‌میزگه باش اورینگ!
نیمروز مدنی فعال‌لری، اهالی دن تاریخی مکان‌لرنی ناقانونی روشده قازمسلیکلرینی طلب قیله‌دیلر.
نیمروز مدنی فعال‌لریدن بیری سمیراافضلی گه کوره: «اهالی اوز تاریخ‌لرینی یوق قیلمسلیکلری کیره‌ک، بو ایش وطن گه بیر تور خیانت دیر، اولر تاریخی اثرلرنی ناقانونی روشده ساتیب اوزلری گه زیان ییتکیزه‌دی.»
نیمروز مدنی فعال‌لریدن باشقه بیری احمد عرفانی نینگ ایتیشیچه: «بو ایش افغانستان بوتون خلقی و نیمروز یشاوچیلری نینگ زیانی گه دیر، اولر تاریخی اثرلرنی دولت ایزین بیرمسدن مثال صورتده ایران، پاکستان و باشقه مملکت‌لر گه آلیب باریب ساته‌دیلر، دولت دن بو ایشنی آلدینی آلیشنی ایسته‌یمیز.»
بیراق نیمروز محلی مسئوللری، باستانی مکان‌لر ناقانونی روشده قازیلیشینی رد قیلیب ایتیشلریچه، اسلامی امارت حاکمیتیدن کیین، هیچ بیر مکان ناقانونی روشده قازیلمه‌گن.
بیزلرنینگ توییترده هم تعقیب قیلینگ!
نیمروز معلومات و مدنیت باشلیغی حبیب‌الله الهام نینگ ایتیشیچه: «سابق نظام ده آدم‌لر بعضی تاریخی مکان‌لرنی ناقانونی روشده قازر ایدیلر، هر حالده افغانستان اسلامی امارت حاکمیتیدن کیین بونده‌ی ایشلرنی آلدی آلینگن.»
نیمروز ولایتی محلی مسئوللری نینگ ایتیشلریچه، بولایتده تاریخی مکان‌لر و آبده‌لر کوپ، حاضرگه قدر ۴۴ تاریخی مکان رویخط گه آلینگن، که اکثریتی مذکور ولایت مرکزی زرنج شهری ده جایلشگن.
