مملکتده خشخاش ایکیلیشی تقیقلنگنیدن سونگ، نیمروز دهگی دهقانلردن قطاری بدیل ایکینلرنی تنلشگه مجبور بولگنلر. زعفران، بوغدای، پخته، سبزهوات و میوهلر کبی محصوللر حکومت و تیگیشلی نهادلر آرقهلی بدیل اقتصادی ییچیملر صفتیده تانیشتیریلگن. شونینگدیک ایکینچیلیک وزیرلیگی مسئوللری تیریکچیلیک بوییچه اوشبو قیینچیلیکلرنی تصدیقلب، مالی و اقلیم اوزگریشلری چیکلاولرینینگ دهقانلرنی کینگ کولملی قوللب-قوتلش یولیدهگی اساسی توسیقلر صفتیده بیان قیلگنلر که اوشبو قیینچیلیکلر، پخته کبی بدیل محصوللرنینگ تنزل عرفهسیگه آلیب کیلگن.
شوندهی بیرحالده، نیمروز دهگی دهقانلردن قطارینینگ ایشانچیگه کوره، سوو امکانیتی تامینلنمسدن و ساتیلیش بازارلری یرهتیلمسدن، ایکین بدیلی بوییچه عملگه آشیریلگن بو اوزگریش اولرنینگ تیریکچیلیک بحرانینی حل قیله آلمهگن. نیمروز ولایتی خاشرود تومنیدهگی دهقانلردن عبدالبصیر رحمانینینگ ایتیشیچه، خشخاش ایکینیدن فایدهلنمهگنیدن کیین، حاضر پخته ایکیشگه یوز کیلتیرگن.
او، قوروقچیلیک طفیلی قیینچیلیکلردن شکایت قیلیب و کوپهیتیریشیچه: «سوو بولگنی صورتده، پخته حاصلی یخشی دیر. حاضر وضعیت قیینراق بولگن؛ چونکه سوو آز دیر. دولت تامانیدن هیچ قندهی یاردم بیریلمهگن. خاشرود تومنی سوو توغانیگه نیازی بار؛ لیکن حاضرگچه هیچ اقدام بولمهگن.»
بیر دههدن کوپراق مدتده کوکنار ایکینی بیلن شغللنگن نیمروز دهگی دهقانلردن باشقه گلاحمد، درآمدینینگ سیزیلرلی درجهده کمهیگنینی بیان قیلیب و ایتیشیچه، بوندن آلدین ییلده قریب ۳۰۰ مینگ افغانی درآمد قولگه کیلتیرهر ایکن. اونگه کوره، حاضر پخته حاصلیدن قولگه کیلتیره دیگن درآمدی اوتگن ییللرگه مقایسه بولمهیدی. «پخته یخشی بیر بدیل دیر؛ لیکن ینه هم اوی نیازلرینی تامین قیله آلمهیدی. بیر قطار کیشی دکاندارلیک کبی باشقه ایشلر یا-ده ایران کیتیشگه مجبور بولگنلر؛ چونکه قوروقچیلیک بولیب و بازار هم یخشی ایمس.»
باشقه بیرتاماندن، ایکینچیلیک ایشلری بوییچه ایش بیلرمانلرنینگ آگاهلنتیریشیچه، سوو منبعلرینی مدیریت قیلمسدن و اساسی آستقورمهلرنی یرهتمسدن، بدیل ایکینلرنینگ نتیجه بیرمسلیگی ممکن. نیمروز دهگی ایکینچیلیک ایشلری بوییچه ایش بیلرمان عصمتالله نورزینینگ ایتیشیچه: «نیمروزنینگ سوو توغانی اساسی شکلده قوریلیب و مدیریت بولگنی صورتده، نیچه تومنده سوو کملیگی قیینچیلیگی حل بولهدی و دهقانلر پخته، نخود، لوبیا و کچالو کبی محصوللردن یخشی حاصل قولگه کیلتیره آلهدیلر.»
ایکینچیلیک، سووغاریش و چاروهچیلیک مسئوللری، بار قیینچیلیکلرنی تصدیقلب، مالی چیکلاولر و اقلیم اوزگریشلرینی بو وضعیتنینگ اصلی عامللریدن بیلهدیلر. مذکور وزیرلیک سوزلاوچیسی شیرمحمد حاتمینینگ سلاموطندار گه ایتیشیچه: «اساسی قیینچیلیکلر مالی منبعلر کملیگی، بازار بوییچه چیکلاولر، قوروقچیلیک بیلن اقلیم اوزگریشلری و شونینگدیک تخنیکی همده آستقورمهلرنینگ کوپراق قوللب-قوتلنیشیگه نیازمندلیکدن عبارت دیر. مذکور قیینچیلیکلرنی حل قیلیش مقصد، افغانستان اسلام امیرلیگی ایکینچیلیک، سووغاریش و چاروهچیلیک وزیرلیگینینگ جدی و دایمی سعیوحرکتلرینینگ دوامی بار.»
گرچند نیمروز دهگی دهقانلر ناقانونی خشخاش ایکینینینگ قیته ایکیشگه قیزیقمهیدیلر، بیراق قوروقچیلیک دوامی، برقرار بازارلر یوقلیگی و دولت آرقهلی قوللب-قوتلنیشلر یوقلیگی، جدی حمایت بولمسدن بدیل ایکینلرنینگ یالغیز وقتینچهلیک بیر نرسهگه اوزگریب و قیشلاق یشاوچیلرینینگ برقرار تیریکچیلیگینینگ تضمین قیله آلمسلیگی توغریسیدهگی بو خواطرلرنی کوپهیتیرگن.
