ملی مدافعه وزیرلیگی مسئوللری، اوشبو ییل ده «حربی مکتب/حربی ښوونځی» گه ۴۰۰ مکتب اوقووچی جذب ایتیلیشیدن خبر بیره‌دی. سلام‌وطندار بیلن صحبت اوتکزگن ملی مدافعه وزیرلیگی نینگ سوزلاوچیسی عنایت‌الله خوارزمی گه کوره، اولر برچه ولایت‌لر گه قول اردولر آرقه‌لی، اوشبو اوقووچیلر حربی مکتب/حربی ښوونځی گه جذب ایتیلیشیدن خبر بیرگنلر.
ملی مدافعه وزیرلیگی سوزلاوچیسی گه کوره، حاضرگه قدر مکتب اوقووچیلریدن قطاری اوشبو مکتب گه کیریش سیناوینی اوتکزیشگن.
عنایت‌الله خوارزمی نینگ ایتیشیچه: « هیأت ایمس بلکه حربی شونزی آماده‌لیک کورستگن که ینگی شاگرد جذب قیلسه، برچه ولایت‌لر گه قول اردولر آرقه‌لی اطلاع بیرگن، قطار شاگردلردن امتحان آلینگن که هر کیم کامیاب بولسه حربی شونزی گه جذب ایتیله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، اوقووچیلر نینگ عایله اعضالریدن قطاری، اسلامی امارت مبادا فرزندلرینی عسکر آلیشیدن خواطر بیلدیره‌دیلر. اولر نینگ ایتیشلریچه، قطار استادلر اوقووچیلر گه مکتب دن زیریککن و ناکام قالگن تقدیرده، حربی مکتب/حربی شونزی گه شامل بولیش‌لرینی ایتگنلر.
عین‌حالده، کابل شهری ده حبیبیه لیسه‌سی اوقووچیلریدن (مستعار اسملی) محبوب نینگ سلام‌وطندار گه ایتیشیچه، اوشبو مکتب اوقووچیلریدن بیری اولرنی حربی شونزی گه باریش گه ترغیب قیلیب و حربی مکتب/حربی شونزی گه شامل بولگن تقدیرده، برچه خرجتی مذکور مکتب تامانیدن توللنیشینی ایتگن.
شو بیلن بیرگه، حبیبیه مکتبی نینگ مدیری حکمت‌الله الفت نینگ سلام‌وطندار گه ایتیشیچه، اسلامی امارت هیچ بیر اوقووچینی حربی شونزی گه شامل بولیش گه مجبور قیلمه‌گن. اونگه کوره، اوقووچیلر حربی شونزی گه اوز خواهشی بیلن شامل بوله‌دی مجبوریت دن ایمس. اونینگ کوپه‌یتیریشیچه، حبیبیه لیسه‌سی اوقووچیلری نینگ حربی شونزی گه مجبوریت دن جذب قیلیش گه عاید هیچ قنده‌ی سند یوق دیر.
بیزلرنینگ توییترده هم تعقیب قیلینگ!
باشقه تاماندن، مملکت معارفی ایش بیلرمان‌لریدن کبیر حقمل، حربی شونزی گه مکتب اوقووچیلری نینگ جذب قیلینیشینی اسلامی امارت نینگ حربی بولیمیده سوادسیزلیک و مسلکی کیشی‌لر یوق‌لیگی عنوان قیله‌دی. جناب حقمل گه کوره، اسلامی امارت نینگ ۹۰ فایز عسکری سوادسیز دیر و اسلامی امارت سوادلی کیشی‌لرنی جذب قیلیش بیلن، حربی بولیمینی کوچه‌یتیریشنی ایسته‌یدی.
ایتیش کیره‌ک که، افغانستان ده اسلامی امارت حاکم بولیشیدن کیین، بیرینچی مراتبه دیر که حربی شونزی اوقووچی جذب قیله‌دی.
