بوگون “دوشنبه” حربی محبوس‌لرنینگ عایله اعضالری و مدنی فعال‌لر «دشمن آزاد بوله‌دی، بیز نیمه اوچون؟» شعاری بیلن کابلده بیر اعتراض یولگه قوییب حربی محبوس‌لرنینگ قوییب یوباریلیشی خصوصیده جمهور رییس غنی نینگ فرمانی عملگه آشیریلمه‌گنیدن تنقید قیلگنلر.
اعتراضچی‌لری، طالبان محبوس‌لری نینگ حکومت تامانیدن قوییب یوباریلیشی و حربی محبوس‌لرنینگ آزاد قیلینمه‌یشینی حربی‌لر حقوقی نینگ نقض قیلیش و اولرنینگ فداکارلیکلریگه حرمت‌سیزلیک قیلیش عنوان قیلیب و حربی محبوس‌لرنی قیدسیز و شرط سیز آزاد ایتیلیشینی سوره‌گنلر.
حربی محبوسلردن بیری نینگ اقاربی لعل‌محمد صمدی نینگ ایتیشیچه: «افغانستان حکومتی حربی محبوسلر اقارب‌لری نینگ ایسته‌گی گه دقت قیلمه‌گن صورتده، اعتراض‌لریمیزگه دوام بیریب و عدالت ایستمه‌یمیز.»
عین‌حالده، مدنی فعاللردن بیرقطاری، قانون نینگ عملگه آشیریلیشی‌گه تبعیض‌لی شکلده حرکت قیلینمه‌یشینی ایسته‌ب و حکومت فرمان نینگ عملگه آشیریلیشی اوچون سعی و حرکت قیلینیشینی سوره‌گنلر.
مدنی فعاللردن بیری یما آرین نینگ ایتیشیچه: « طالبان جنگریلری و دولتی عسکرنینگ آره‌سیده فرق بولیشی کیره‌ک. حکومتدن موضوعی نی سیاسی قیلمه‌یشینی ایسته‌یمیز و فرمان نینگ تیزلیککه عملگه آشیریلیشی کیره‌ک.»
بیراق، مملکت قماقخانه‌لرینی تنظیم قیلیش اداره‌سی سوزلاوچیسی فرهاد بایانی نینگ ایتیشیچه، بوتون محبوسلر قوییب یوباریلیشی قانونگه قرشی دیر و جمهور رییس نینگ فرمانیده بیرقطار چیکلاولر نظرگه آلینگن.
جاری ییل ۱۷ اسد ده طالبان ۴۰۰ محبوسی نینگ قوییب یوباریلیشی خصوصیده قرار قیلیش اوچون مصلحتی لویه جرگه یولگه قوییلگن ایدی و اوشبو جرگه اعضالریدن بیرقطاری حربی محبوس‌لرنینگ قیدسیز و شرط سیز قوییب یوباریلیشینی ایسته‌گن ایدی‌لر. جاری ییل ۲۰ اسد مملکت جمهور رییسی بیر فرمان آرقه‌لی حربی محبوس‌لرنینگ جزالنتیریلیشی‌گه تخفیف بیریلیشی خصوصیده بویروغ بیرگن ایدی.
