بوگون “دوشنبه” احمدشاه مسعود بنیادی باشلیغی احمدولی مسعود نینگ کابلده خبری بیر ییغین اوتکزیب ایتیشیچه، دولت نینگ مدیریت‌سیزلیگی و برنامه‌سیزلیگی باعث، مملکت وضعیتی یمان بولگن.
جناب مسعود گه کوره، حاضرده دولت تینچلیک تامین‌لش و اوروش مدیریتی آره‌سیده سرگردان دیر و حاضرگی وضعیتدن چیقیش اوچون بیللی بیر برنامه‌سی یوق.
سلام‌وطندار اوزبیک بولیمی‌نی فیسبوک‌ده تعقیب قیلینگ
احمدشاه مسعود بنیادی باشلیغی نینگ ادعا قیلیشیچه، دولت و طالبان گروهی آره‌سیده قدرت‌نی قولگه کیلتریش شباهت‌لر بار و ایکی تامان قدرت‌نی انحصار قیلیش و استبدادی نظام قوریش اوچون سعی و حرکت قیله‌دی. اونینگ ایتیشیچه، طالبان بیلن دولت آره‌سیده کوپ قوشمه مواردلر بار. اونینگ کوپه‌یتیریشیچه ، طالبان دین نامیدن فایده‌لنیب اوروش‌نی شدتلنتیرگن و دولت هم دیموکراسی نامیدن فایده‌لنه‌دی .
احمدولی مسعود نینگ کوپه‌یتیریشیچه: «سیزلر و طالبان آره‌سیده هیچ‌قنده‌ی فرق یوق. او دین نامی آستیگه ایشله‌یدی، سیزلر دموکراسی نامی آستیگه عین ایش‌نی قیله‌سیزلر. استبدادی نظام سیزلر هم ایسته‌یسیزلر و طالب هم. قدرت انحصارینی سیزلر هم ایسته‌یسیزلر و طالبان هم ایسته‌ی‌لر. طالب نی هم آمریکا دن امیدی بار و سیزلرنی هم. مافیالیک ایش‌لرنی سیزلر هم قیله‌سیزلر و طالب هم قیله‌دی؛ طالبان و سیزلر آره‌لرینگیزده قوشمه مواردلر کوپ دیر.»
احمدولی مسعود نینگ کوپه‌یتیریشیچه ، طالبان تامانیدن هجوم‌لر شدتلنمه‌گنیدن آلدین ، دولت ناتوغری تبلیغات‌لر بیلن مملکت اونملی بولیم‌لرینی اولرنینگ قولیگه سقوط قیلیش اوچون زمینه یره‌تگن .
شونده‌ی بیرحالده ، جمهورلیک ریاستی ، جناب مسعود نینگ ادعالری حقیده هیچ‌بیر فکر بیلدیرمه‌گن و اونینگ بیاناتلرینی اوز فکری دیگن .
عین‌حالده، احمدولی مسعود نینگ کوپه‌یتیریشیچه، حکومت رهبرلیگی زوروانلیک‌نی کوپه‌یتیریش بیلن مملکتده قدرت‌نی دوام بیریشینی ایسته‌یدی و بو اره‌ده کوپراق زیان‌نی تینچ اهالی کوره‌دی. «حکومت نینگ تدبیرسیزلیگی و برنامه‌سیزلیگی، تینچلیک هم قولیگه ایمس و اوروش و ضعیت‌نی کورینگیزلر.»
سلام‌وطندار اوزبیک بولیمی‌نی فیسبوک‌ده تعقیب قیلینگ
او، سیاسی ساختار اوزگریلیشی‌نی مملکتده قیینچیلیکلر حل ایتیلیشی اوچون بیرینچی یول عنوان قیلیب و وضعیت بونده‌ی دوام قیلگن صورتده، نظام نینگ سقوط قیلیشی حتمی دیگن.
