لوگر مرکزی پلعلم یشاوچیلریدن قطاری اوشبو ولایت ۲۰۳ منصوری حربی قطعهسی نینگ اوستیده پیلوتسیز مشکوک اوچاقلر نینگ اوتیب قیتیشیدن خبر بیرگنلر.
اولر نینگ ایتیشلریچه مذکور پیلوتسیز مشکوک اوچاقلر، اوتگن آقشام اوشبو ولایت نینگ بیر قطار منطقهلریدن اوتیب قیتگن.
بیزلرنینگ فیسبوک صحیفهمیزگه باش اورینگ!
پلعلم یشاوچیلریدن بیری جانمحمد نینگ سلاموطندارگه ایتیشیچه، اوتگن کیچه ساعت ۱:۰۰ اطرافیده نیچته پیلوتسیز مشکوک اوچاق منصوری حربی قطعهسی اوستیدن اوتیب قیتگن و کیین اسلامی امارت کوچلری، آغیر و یینگیل قوراللر آرقهلی مذکور اوچاقلرگه هجوم قیلگنلر. اونینگ ایتیشچه، اوشبو توقنهشوو چمهسی یریم ساعت دوام ایتگن.
عینحالده، لوگر ولایتی معلومات و مدنیت ریاستی نینگ رئیسی رفیعالله صمیم، اوشبو واقعهنی تصدیقلب سلاموطندارگه ایتیشیچه، اسلامی امارت کوچلری مذکور اوچاقلرگه هجوم قیلیب اولر نینگ اوتیب قیتیشیگه توسیق بولگنلر.
شونینگدیک لوگر معلومات و مدنیت ریاستی نینگ باشلیغی اوشبو اوچاقلر تامانیدن اسلامی امارت کوچلری هدف قرار بیریلیشی توغریسیدهگی میش-میشلرنی ناتوغری عنوان قیلهدی.
بیزلرنینگ توییترده هم تعقیب قیلینگ!
شوندهی بیرحالده، اوتگن نیچه هفتهده مملکت بیرقطار ولایتلریده پیلوتسیز مشکوک اوچاقلر نینگ اوتیب قیتیشی یشاوچیلر تامانیدن گرازش بیریلگن.
عینحالده، سونگی کونلرده مزارشریف یشاوچیلری اوزبیکستانگه تیگیشلی پیلوتسیز اوچاقلرنی حیرتان بندریگه کوریلگنیدن گزارش بیرگنلر، بیراق مذکور گزارشلر رسمی شکلده تصدیقلنمهگن.