رئال مادرید جماعه‌سی نینگ فرانسه‌لیک فوتبال اویینچیسی کریم بنزما، رئال مادرید کلوبینی ترک ایتگن. بنزما نینگ رئال مادرید بیلن قراردادی میلادی اوشبو ییل آخری ده یکونلنه‌دی، او ینه بیر ییل رئال مادرید کلوبی بیلن قرارداد قیلیشی کوتیلردی، لیکن مذکور اویینچی باشقچه قرار گه کیلگن.
فرانسه‌لیک فوتبال اوینچیسی و ۳۵ یاشر کریم بنزما گه، سعودی عربستان‌لیک «الاتحاد» کلوبی تامانیدن ایکی ییل‌لیک قرارداد بیلن، ییل‌لیک ۲۰۰ میلیون یورو تکلیف قیلینگن.
بیزلرنینگ فیسبوک صحیفه‌میزگه باش اورینگ!
رئال مادرید کلوبی اجتماعی ترماق‌لریده ترقه‌تگن رسمی بیانیه‌سیده، میلادی اوشبو ییل یکونیده او رئال مادرید نی ترک ایتیشینی تصدیقله‌گن.
بیانیه ده کیلیشیچه: «رئال مادرید کلوبی و کاپیتانیمیز کریم بنزما، اوشبو کلوب نینگ اویینچیسی اوله‌راق فوق‌العاده حضوری گه یکون بیریش گه کیلشدیلر. رئال مادرید؛ کریم بنزما دن بویوک اسطوره‌لریمیزدن بیری صفتیده اوز علاقه و منتدارلیگینی بیلدیره‌دی.»
رئال مادرید کلوبی، کریم بنزما بیلن وداعلش و اونگه حرمت قیلیش اوچون مراسم یولگه قوییش گه قرار قیلگن. اوشبو مراسم سه‌شنبه کونی مذکور کلوب باشلیغی فلورنتینوپرز حضوری بیلن طنطنه‌لی روشده اوتکزیلیشی کوتیله‌دی.
بیزلرنینگ توییترده هم تعقیب قیلینگ!
کریم بنزما رئال مادرید کلوبی ده ۱۴ فصل حضوری ده، ۲۵ کپ جمله دن بیشته قهرمان‌لر کپی، بیشته کلوب‌لر خلق‌ارا کپی، تورته اروپا سوپر کپی، تورته لالیگا، اوچته حذفی کپ و تورته اسپانیا سپور کپی نی قولگه کیریتگن.
شونینگدیک، ۲۰۲۲_ییل ده «آلتین توپ» صاحبی بولگن.
