بوگون (یکشنبه، ۲۹ عقرب/۲۰ نومبر) خلق‌ارا باله‌لر کونی گه ماس دیر. اوشبو کون مناسبتی بیلن بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) مسئوللری نینگ ایتیشلریچه، افغانستان و آسیا جنوبی مملکت‌لریده ۱۵ میلیون باله، انسان پرورلیک تیز یاردم گه محتاج دیر.
بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ ارتباط‌لر بولیمی باشلیغی سام مورت نینگ سلام‌وطندار گه ایتیشیچه، افغانستان ده‌گی باله‌لر انسان پرورلیک تیز یاردم گه محتاج دیر.
سام مورت گه کوره: «افغانستان نینگ انسان پرورلیک یاردم‌لر گه نیازی کوپه‌یماقده و تأسف بیلن باله‌لر کوپراق محتاج دیر. یونیسف ۱۵ میلیون دن آرتیق باله انسان پرورلیک یاردم‌لر گه محتاج دیر خواطرده. بو نیازمندلیکلر ییگولیک ماده، یوقوملی کسللیکلر و ایچیملیک سوولر و ساغلیک مراقبت‌لردن عبارت دیر.»
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ باله‌لردن حمایت قیلووچی صندیغی، اسلام امیرلیگی یاردمی بیلن قیز و اوغیل باله‌لر نینگ وضعیتی یخشی‌لنیشی اوچون کوپراق دقت قیلینیشیگه امید بیلدیره‌دی.
عین‌حالده، افغانستان ده مینگلب باله قشاق‌لیک باعث، باله‌لیک دنیالریدن اوزاق ده بولیب و عایله‌لری نینگ خرجت‌لرینی تأمینلش مقصدیده تون_کون تینمسدن، آغیر و اینگیل ایشلرنی قیلماقده‌لر.
شهر ده تیلنچیلیک قیله‌دیگن کیچیک یاشر مروه نینگ ایتیشیچه، اقتصادی قیینچیلیک باعث بو ایشگه یوز کیلتیرگن. اونگه کوره: «آتم ناگران دیر و ایشله‌ی آلمه‌یدی و مین ایسه ۵ کیشی‌لیک عایلم نینگ نفقه‌سینی تأمینلش گه مجبور من و هر کونی ۱۰۰ افغانی دن آزراق ایشلب و عایلم نفقه‌سی اوچون صرفله‌ی من.»
بیر لقمه نان تاپیش اوچون شهر یشاوچیلری نینگ بوت‌لرینی رنگلش بیلن مصروف زبیر گه کوره: «بوت رنگله‌ی من، آتم‌نی کراچیسی بار و هر کونی قولی بوش اوی گه قیته‌دی، ۱۰ یاشر من و عایلم نینگ کتته اوغلی، عایلم نینگ نفقه‌سینی تاپیش اوچون سعی وحرکت قیلیشیم کیره‌ک.»
بیزلرنینگ توییترده هم تعقیب قیلینگ!
سابق حکومت ایش و اجتماعی ایشلر وزیرلیگی نینگ معلوماتی اساسیده، افغانستان ده ۳.۷ میلیون باله ایشله‌یدی که اولردن کوپی شاقه ایشلر بیلن مصروف دیر.
شونینگدیک اسلام امیرلیگی ایش و اجتماعی ایشلر وزیرلیگی نینگ ارتباط‌لر مسئولی یونس صدیق گه کوره، ۷ مینگ دن ۱۰ مینگ گچه محتاج باله‌لر گه یاردم بیرماقده‌لر.
یونس صدیق نینگ ایتیشیچه: «۷ مینگ دن ۱۰ مینگ باله ایش و اجتماعی ایشلر وزیرلیگی تامانیدن حمایت بولیب و اوشبو وزیرلیک نینگ حمایتی مرکزلریده حیات کیچیرماقده‌لر.»
گرچند افغانستان باله‌لر حقوقی کنوانسیونینی امضا قیلسه‌ده، بیراق اوشبو مملکتده‌گی باله‌لر ایریم قیینچیلیکلر بیلن روپه‌ره دیر و کوپی‌لری آزیق_آوقات خوفسیزلیگی و بیر قطاری ایسه، ساغلیک خوفسیزلیگی و تعلیم دن محروم دیر.
