اسلام امیرلیگی ایش اداره‌سی عمومی ریاستی، شنبه کیچه، ۲۸ عقرب، اوز توییتری ده یازیشیچه، اوشبو اداره نینگ عمومی باشلیغی نورالحق انور، امتحان‌لر ملی اداره‌سی نینگ ینگی سرپرستی عبدالباقی حقانی تانیشتیریلیشی مراسمیده ایتیشیچه، دولتی بست‌لر گه امتحان بیره‌دیگنلر نینگ حقی ضایع بولمه‌یدی.
ایش اداره‌سی عمومی باشلیغی، شنبه کونی عالی تحصیلات وزیرلیگی نینگ سابق سرپرستی عبدالباقی حقانی نی، اسلام امیرلیگی رهبری هبت‌الله آخوندزاده نینگ فرمانی اساسیده، امتحان‌لر ملی اداره‌سی ینگی سرپرستی اوله‌راق تانیشتیردی.
بیزلرنینگ فیسبوک صحیفه‌میزگه باش اورینگ!
ایش اداره‌سی عمومی باشلیغی گه کوره، دولتی وظیفه بیر امانت دیر و ایگه‌سیگه تاپشیریلیشی کیره‌‌ک. «بوتوغریده امیردن اطاعت قیلیش واجب دیر و بویروغ‌لری عملی بولیشی لازم.»
نورالحق نینگ کوپه‌یتیریشیچه، عبدالباقی حقانی اسلام امیرلیگی نینگ تجربه‌لی و ایشانچلی کدرلریدن دیر. اونگه کوره: «بیز اهالی گه خدمت قیلیش اوچون سعی و حرکت قیلماقده‌میز و اسلام امیرلیگی نینگ مقصدی، اولکه یشاوچیلری گه خدمت قیلیش دیر.»
اوشبو مراسمده، امتحان‌لر ملی اداره‌سی سابق سرپرستی عبدالقدیر خموش، اوز ایشلری حقیده سوز یوریتیب ایتیشیچه، اولکه یشاوچیلری گه خدمت قیلیش اوچون امتحان‌لر ملی اداره‌سی ینگی رهبری بیلن بیرگه ایشله‌یدی.
بیزلرنینگ توییترده هم تعقیب قیلینگ!
باشقه تاماندن امتحان‌لر ملی اداره‌سی ینگی سرپرستی عبدالباقی حقانی، مملکت نینگ حاضرگی توزومینی «جهاد قربانی ثمره‌سی» دیب و بوتوغریده هر بیر یشاوچی مسئول دیگن.
شونینگدیک جناب حقانی، عبدالقدیر خموش نینگ ایشلریدن منتدارلیک بیلدیریب ایتیشیچه: «افغانستان ده‌گی ییل‌لر بویلب اوروش، بو مملکت منطقه و دنیا اولکه‌لری کبی خدمت قیله آلمسلیککه سبب بولگن. شونی اوچون، مملکت گه خدمت قیلیش اوچون تون_کون ایشلش لازم.»
