افغانستان کانلر و صناعت اتاقی مسووللری نینگ آگاهلنتیریشلریچه، اقتصادی وضعیت یخشیلنمهگن صورتده، ایچکی تولیدات نینگ سقوط بیلن روپه ره بولیشی ممکن.
کانلر و صناعت اتاقی باشلیغی شیرباز کمینزاده نینگ ایتیشیچه، افغانستانده اسلامی امارت حاکم بولگنیدن سونگ، امنیتی وضعیت یخشیلنگن و شونینگدیک، رشوه و باج آلیش توختهتیلیب و محصولاتلرنینگ قاچاق ایتیلیشیگه توسیق ایتیلگن، لیکن مملکت ایشخانهلریدن ۳۰% نینگ فعالیتی توختهتیلگن.
جناب کمینزاده گه کوره، اهالی نینگ کمبغللیگی، بازارلرده تقاضا کمهیگنیگه سبب بولگن و ایشخانهلرنینگ بانکی حسابلری باغلنگنی باعث، مملکتده تولیدات رقمی آزهیگن.
اونینگ ایتیشیچه، خام ماده نینگ ساتیب آلیش اوچون حواله گه قرشی قیینچیلیک بولگنی و افغانستان نینگ کمیده ۱۰ میلیارد دالرینی تشقی مملکتلرگه توختهتیلگنی سوداگرلیک اوستیگه سلبی تاثیر قوییگن.
افغانستان کانلر و صناعت اتاقی باشلیغی نینگ کوپهیتیریشیچه، مملکت بوییچه ۵۰۰۰ ایشخانه نینگ تولیدات بولیمیده کمیده ۲ میلیون کیشی فعالیت قیلهریدی، بیراق تولیدات کمهیگنی سبب، مذکور ایشلاوچیلردن قطاری ایشلرینی قولدن بیرگن.
شونینگدیک، کابلده پلاستیک تولید قیلهدیگن ایشخانهلردن بیری نینگ رئیسی خلیل احمد نینگ ایتیشیچه، افغانستانده اسلامی امارت حاکم بولگنیدن سونگ، ایش محیطی یخشیلنگن، لیکن باشقه مملکتلرگه حواله گه قرشی قیینچیلیک بولگنی باعث، تولیداتلری کمهیگن.
ایشخانهلر قیینچیلیکلری توغریسیده اسلامی امارت مسئوللری نینگ فکرینی آلیش اوچون سعی و حرکت قیلدیک، بیراق موفق بولمهدیک.
بوندن آلدین طالبان رسمیلری ایشخانهلر برابریده بولگن قیینچیلکلرنی حل قیلیش اوچون سعی و حرکت قیلیشلرینی بیلدیرگن ایدیلر.