بادغیس، بامیان، دایکندی و غور ولایتلری نینگ هیداوچیلری و مسئوللری نینگ ایتیش‌لریچه، اوتگن کیچه آغیر قار یاغیشی و توفان‌لر نتیجه‌سیده، اوشبو ولایتلر نینگ قتناو یوللری ترافیک یوزیگه باغلنیب و شونینگدیک اونلرچه یولاووچی اوشبو یوللرده بند قالگنلر.
بادغیس محلی مسئوللری و قلعه‌نو-هرات قتناو یول هیداوچیلریدن قطاری نینگ ایتیش‌لریچه، بادغیس بند سبزک‌ده ۱۵ مسافر تاشووچی موترلر قارگه بند قالگن و تیز یاردم و اوشبو یوللر نینگ آچیلیشی گه نیازلری بار.
بیزلرنینگ فیسبوک صحیفه‌میزگه باش اورینگ!
شونینگدیک غور، بامیان و دایکندی محلی مسئوللری نینگ ایتیش‌لریچه، اوشبو ولایتلر مرکزلری بیلن قطار تومن‌لر نینگ آوله‌یدیگن یوللری اهالی و یولاوچیلر نینگ اوتیب-قیتیش یوزیگه باغلنگن.
مسئوللر نینگ اورغولشیچه، اوشبو قتناو یوللر حاضرگچه آچیلمه‌گن و سرک‌لرنی تازه‌لش و یوللر آچیلیشی اوچون سعی و حرکت نینگ دوامی بار.
دایکندی فواید عامه ریاست مسئولی عبدالخالق حقمل نینگ ایتیشیچه: «غول و کرمان یولی تازه‌لنماقده و حاضرگچه آچیلمه‌گن و انشاء‌الله تیزلیک بیلن آچیله‌دی، حاجی‌گک یولی بامیان تاماندن یریم ساعت‌دن بیری آچیلگن و بهسود تامانیدن حاضرگچه بند.»
غور معلومات و مدنیت ریاستی نینگ معلومات آمری محمد حماس نینگ ایتیشیچه: «غور یولی آچیلیشی اوچون حاضر ایش آلیب باریلماقده، تیزلیک بیلن یول آچیلیشی اوچون فوایدعامه ریاستی تامانیدن هم تاکید بوله‌دی و بیزلر هم تاکید قیله‌میز.»
بیزلرنینگ توییترده هم تعقیب قیلینگ!
ذکر بولگن ولایتلر یوللری نینگ باغلنگنی بیلن، شونینگدیک سالنگ قتناو یولی هم اوتگن کیچه‌دن بویان قار و بوران باعث، ترافیک یوزیگه باغلنگن.
ترافیک و یوللاوچیلر یوزیگه یاپیلگن ولایت‌لرنینگ محلی مسئوللری، یوللاوچیلردن وضعیت یخشی‌لنیشی و اوشبو یوللر تازه‌لنمه‌گونچه سفر قیلمسلیکلرینی سوره‌یدی.
