اسلام امیرلیگی، مدنی فعاللر و فرهنگیلر قوییب یوباریلیشی گه دایر افغانستان نینگ منحل بولگن انسان حقلری کمیسیونی خواستی گه عکسالعمل کورسهتیب ایتیشیچه، ملی خوفسیزلیک نی بوزهدیگنلرنی قولگه آلیب و تیرگاو قیلهدیلر.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلاموطندار گه ایتیشیچه: «مملکت ده بیر نظام، اولکه برچه مسئلهلرینی منظملشتیریشی کیرهک. اولکه خوفسیزلیگی اساسی روشده حفظ بولیشی لازم. مملکت امنیتی نی تأمینلش حکومت نینگ وظیفهسی دیر. خبرچی یا ده مدنی فعال کییمیده نظام گه قرشی بوزغونچیلیک قیلگن کیشی حبس گه آلینیب و تیرگاو بولیشی شرط دیر. اسلام امیرلیگی هیچ بیر خبرچینی قولگه آلمهیدی.»
بیزلرنینگ فیسبوک صحیفهمیزگه باش اورینگ!
اسلام امیرلیگی تامانیدن حبس گه آلینگن مدنی فعاللر قوییب یوباریلیشی گه دایر طلبلر دوامیده، افغانستان نینگ منحل بولگن انسان حقلری کمیسیونی، اوتگن کونی بیر بیانیه ترقهتیب، اسلام امیرلیگی حبس گه آلینگن مدنی فعاللرنی تیزلیک بیلن قوییب یوباریشینی طلب قیلگن.
مذکور کمیسیون نینگ بیانیهسیده کیلیشیچه: «افغانستان انسان حقلری کمیسیونی، خلقارا کیچیریم تشکیلاتی نینگ گزارشینی خوش قرشی لسه ده، بیراق ملی و خلقارا نهادلردن، اوشبو گزارش گه دایر ایستکلری گه جدی بولیشلرینی طلب قیلهدی. افغانستان انسان حقلری مستقل کمیسیونی، اسلام امیرلیگی دن تیزلیک بیلن مدنی و فرهنگی فعالیتلری باعث، قولگه آلگن کیشیلرنی قوییب یوباریشینی سورهیدی.»
اوتگن ۱۹ آی ده، مدنی فعالیتلر تقیق لهنیشی بیلن، خبرچیلر ایشی محدود بولیب و اولردن بیرقطاری قولگه آلینیب و زندانی بولگنلر.
ایرکین میدیالردن حمایت قیلووچی نهاد (نی) مسئولی ظریف کریمی نینگ ایتیشیچه: «افغانستان ده سونگی کونلرده خبرچیلر و میدیالر نینگ احوالی جدی خواطر گه اوزگرگن و حاضر تورت خبرچی اسلام امیرلیگی قماقخانهسیده دیر؛ گرچند حکومت اولر نینگ قولگه آلینیشینی شخصی مسئله عنوان قیلهدی.»
بیزلرنینگ توییترده هم تعقیب قیلینگ!
بیلیم یورت اوقیتووچیسی سیدشفیقالله سادات گه کوره، خلقارا معیارلر و اسلام امیرلیگی قدریتلری اورتهسیدهگی ضدیتلر باعث، خلقارا باسیملر اسلام امیرلیگی اوستیگه اونچهلیک تأثیر قیلمهگن.
ایتیش کیرهک که، سونگی بیر آی ده، اسلام امیرلیگی استخبارات کوچلری، قطار مدنی فعاللر و اوقیتووچیلرنی اوز باشیمچهلیک فعالیتلری باعث قولگه آلگن، مطیعالله ویسا و رسول پارسی دن سونگی مورد اولهراق آت توتیش ممکن.