مدنی فعاللردن بیرقطاری نینگ مدنی و اجتماعی فعاللرگه قرشی هدفلی هجوم‌لر و زنجیره‌یی قتللر کوپه‌یگنیدن خواطر بیلدیریب ایتیش‌لریچه، اولر جدی تهدیدلر بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
مدنی فعاللردن بیری سمیع دره‌یی نینگ ایتیشیچه، مدنی و اجتماعی فعاللردن حمایت قیلیش و وضعیت‌لریگه دقت قیلیش اوچون هیچ‌بیر نهاد یوق و اولرنینگ سیس‌لرینی خاموش قیلیش اوچون تهدیدلرنی دوام تاپیشی ممکن.
مدنی فعاللردن باشقه بیری دیبا فرهمند نینگ ایتیشیچه، اجتماعی و مدنی فعاللر برابریده تهدید و زوروانلیک اولرنی خواطرگه سالگن و وضعیت بونده‌ی دوام قیلگن صورتده، اولر سیس‌لرینی دنیا یشاوچی‌لریگه ییتیشتیره آلمه‌یدیلر.
هدفلی ترورلر دوامیده، اوتگن “پنجشنبه” کونی ۴ مدنی فعال نینگ جسد‌ی مزارشریف شهری نینگ ۵-حوزهسیده مسکونی بیر اویدن تاپیلگن ایدی.
اسلامی امارت ایچکی ایش‌لر وزیرلیگی سوزلاوچی‌سی سعید خوستی نینگ ایتیشیچه، مذکور واقعه‌گه تیگیشیلی ایکی کیشی قولگه آلینگن و تیکشیریش‌لرنی دوامی بار.
بیزلرنینگ فیسبوک صحیفه‌میزگه باش اورینگ!
بوندن آلدین هم مدنی فعاللر، انسان حقوقی فعاللری و خبرچی‌لر هدفلی هجوم‌لر آستیگه قرار بیریلگن ایدی، بیراق سونگی هفته‌لرده بونده‌ی هجوم‌لر رقمی کوپه‌یگن دیر.
