غور محلی مسووللری نینگ ایتیشلریچه، اوشبو ولایت نینگ تولک تومنیده طالبان هجومی سبب، امنیتی کوچلردن ۱۹ تهسی هلاک ایتیلگن. تولک تومنی ولسوالی سلیمان یوسفی نینگ سلاموطندارگه ایتیشیچه، بو تومنده طالبان تامانیدن اویوشتیریلگن هجوم عاقبتیده، مردمی کوچلردن ۱۹ تهسی هلاک و باشقه ۱۲ تهسی یرهلنگن و شونینگدیک، باشقه بیرقطاری درکسیز یوقالگن.
سرپل ولایتی کینگش اعضالری نینگ ایتیشلریچه، بو ولایتده ۶۰ حربی طالبان گه تسلیم بولگن. سرپل ولایتی کینگش اعضاسی اسدالله خرم نینگ سلاموطندارگه ایتیشیچه، نیچه ساعت آلدین مذکور ولایت مرکزی گه تیگیشلی «بغاوی» قیشلاغیدهگی حربی کوچلرنینگ ۴- کندکی و شونینگدیک اوچ خوفسیزلیک پوسته «سنگ توده» منطقهسیده برچه حربی جهازلری بیلن طالبان نینگ قولیگه سقوط قیلگن.
افغانستان ملی خوفسیزلیک کینگش دفتری نینگ اعلام قیلیشیچه، خلقارا حامد کرزی هوا قونالغهسی دنیا معیارلریگه ماس فعال قالیشی ممکن. ملی خوفسیزلیک کینگش دفتری نینگ اعلامی اساسیده، مذکور کینگش مصلحتچیسی حمدالله محب، کابل هوا قونالغهسی و مذکور میدان گه جایلشگن کیسکین حمایوی مأموریت قومندانلیگیدن کوریب چیققن.
ایکی کون آلدین بدخشان یشاوچیلریدن بیرقطاری، ناتینچلیک، ایچیملی سوو و برق یوقلیگی سبب، اعتراض بیلدیرگنلر، بیراق اوشبو اعتراض زوروانلیککه اوزگریب نتیجهده اعتراضچیلردن ۳ تهسی هلاک و باشقه ۴۳ تهسی یرهلنگن.
عربستان بوییچه افغانستان ایلچیسی احمدجاوید مجددی، بوگون افغانستان تینچلیگی توغریسیده مکه ده یولگه قوییلگن دین عالملری و مفتیلرنینگ قوشمه ییغینیده ایتیشیچه، افغانستان ده تینچلیک تأمینلنیشی گه عربستان و پاکستان نینگ اونملی نقشی بار.
سرپل ولایتی کینگش اعضالری نینگ ایتیشلریچه، اوشبو ولایت نینگ سوزمه قلعه تومنیده امنیتی کوچلردن ۱۴۰ تهسی و سرپل-جوزجان قتناو یولی نینگ سیدآباد منطقهسیده ۶۰ تهسی طالبان قمراویگه قرار تاپگن.
سرپل ولایتی کینگش اعضالریگه کوره، سرپل-جوزجان قتناو یولیده جایلشگن ۱۸ پوسته آتیشمه یوز بیرمسدن طالبان قولیگه سقوط قیلگن
نیویارک تایمز کوندهلیگی آمریکالیک ییریک رسمیلردن نقل قیلیب گزارش بیریشیچه، آمریکا نینگ مدافعه وزیرلیگی یا پنتاگون بحرانی وضعیت یا کابل و افغانستان نینگ باشقه کتته شهرلری خوف بیلن دوچ کیلگنده، امنیتی کوچلردن حمایت قیلیش اوچون هوایی هجوم اویوشتیریش گه رخصت آلیش موضوعی نی تیکشیرماقده.
کاپیسا محلی مسووللری نینگ ایتیشلریچه، اوتگن هفته لغمان ولایتی نینگ دولتشاه تومنیدن کاپیسا ولایتی نینگ الهسای تومنی تامان بارهدیگن ۱۶ فوتبالچی طالبان تامانیدن اوغیرلنگن ایدی.
کاپیسا ولایتی نینگ الهسای تومنی ولسوالی غلامنقشبند صافی نینگ سلاموطندارگه ایتیشیچه، طالبان جنگریلری مذکور کیشیلرنی اوشبو تومن نینگ «اسکین» درهسیدن اوغیرلب «شپی» درهسیگه انتقال بیرگن.
بغلان ولایتیدن امنیتی منبع نینگ سلاموطندارگه ایتیشیچه، بوگون “پنجشنبه” ایرتهلب ساعت ۲ ده اوشبو ولایت مرکزی پلخمری شهری نینگ باغ شمال منطقهسیده ملی اردو بیر قرارگاهی پارتلش ماده یوکلنگن موتر آرقهلی هجوم آستیگه قرار بیریلگن.
منبع نینگ ایتیشیچه، حاضرگهقدر اوشبو واقعهده ملی اردو حربیلریدن ۶ تهسی هلاک و باشقه ۱۰ تهسی یرهلنگن.
جناب بایدن نینگ اوشبو نامهده کوپهیتیریشیچه، چیتایللیک کوچلرنی افغانستاندن چیقگنیدن سونگ، دهشت تشلاوچیلیک تهدیدلردن کوز یوممهیدی و تهدیدلرگه توسیق بولیش اوچون منطقهده قیتهدن کوچلرینی تنظیم قیلیشی ممکن.
حربی ایش بیلرمانلر، افغانستان امنیتی و دفاعی کوچلریدن آمریکا حمایتی نینگ دوام قیلیشینی اونملی عنوان قیلیب ایتیشلریچه، اوشبو حمایت نینگ تاثیری یخشی مدیریتگه تیگیشلی دیر.
تخار ولایتی کینگش کاتبی محمداعظم افضلی نینگ سلاموطندارگه ایتیشیچه، طالبان جنگریلری اوتگن کیچه، اوشبو ولایت نینگ چاهآب تومنی اوستیگه هجوم قیلگن و بوگون “چهارشنبه” امنیتی کوچلر اوشبو تومن پولیس قومندانلیگی و تومن بناسینی ترک قیلیب شهر باشقه منطقهلریگه جایلشگنلر.
اوتگن کون بدخشان ده ایچیملیک سوو، برق و امنیت تأمینلنیشی اوچون کینگ بیر ناراضلیک نمایش یولگه قوییلدی، بیراق بو ناراضلیک نمایش زوروانلیککه تارتیلدی. بدخشان حاکمی و پولیس اعتراضچیلرنینگ اوستیگه اوق آتگنیدن کیین، بو اعتراض زوروانلیککه تارتیلگن.
تگاب تومنیده ایشانچلی امنیتی بیر منبع آتی فاش ایتیلیشی نی ایستمهی سلاموطندارگه ایتیشیچه، ایکی کوندن بویان مذکور تومنده امنیتی کوچلر و طالبان گروهی آرهسیده آتیشمه نی دوامی بار و یاردم ییتیشمهگنی باعث، ۱۵ خوفسیزلیک پوسته طالبان قولیگه سقوط قیلگن.
بغلان ولایتی نینگ بغلان مرکزی تومنی ولسوالی سیدکمال وردک نینگ سلاموطندارگه ایتیشیچه، نقابلی قوراللی کیشیلر هلو ترست ماین تازهلش دفتری اوستیگه هجوم قیلگن و نتیجهده ۱۲ کیشی هلاک و باشقه ۱۷ کیشی یرهلنگن.
فاریاب، غزنی و بادغیس ولایتلردن قولگه کیلگن معلوماتلرگه کوره، اوشبو ولایتلرنینگ ۶ تومنی شدتلی آتیشمهلردن سونگ، طالبان قولیگه سقوط قیلگن. فاریاب ولایتی نینگ قیصار و دولتآباد تومنی، غزنی ولایتی نینگ آببند و جغتو تومنی و بادغیس ولایتی نینگ جوند تومنی طالبان نظارتیگه اوتگن تومنلر جملهسیدن دیر.
جوزجان ولایتی کینگش اعضالریدن بیرقطاری نینگ ایتیشلریچه، اوشبو ولایت نینگ آقچه، فیضآباد، مردیان، خانقاه، منگجیک، قرقین، خماب، درزاب و قوشتپه تومنلری اقتصادی تحریم آستیگه قرار تاپگن.
جوزجان ولایتی کینگش اعضالریگه کوره، جوزجان مرکزی و ۷ ولایتیده امنیتی وضعیت خواطرلنترووچی دیر و دقت بولمهگن صورتده، مذکور تومنلری طالبان قولیگه سقوط قیلیشی ممکن.
