قندهار میوند تومنی یشاوچیلری، اوشبو تومنده‌گی تاریخی مکان‌لر قوللش عرفه‌سی گه قرار تاپگنیدن خواطر بیلدیریب و مسئوللر دن بوتوغریده دقت قیلیش‌لرینی سۉره‌یدیلر. اولر گه کوره، تاریخی آبده سنلگن میوند تومنی بازاری آرقه‌سیده ییرلشگن «سبز قلعه‌سی»، حاضر اطرافی قازیلیب و محل یشاوچیلری یشش اوی‌لرینی قوریش اوچون اونینگ توپراغیدن قوللنماقده‌لر.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۲۰-حوت، یک‌شنبه کونی، ۱۵ میلیون امریکالیک دالرنی داوطلب‌لیک آرقه‌لی لیلام قیلیشیدن خبر بیرگن.
اسلام امیرلیگی سۉزلاوچیسی ذبیح‌الله مجاهد، «کاسا ۱۰۰۰» لایحه نینگ ایشی باشلنیش قراردادی اۉتگن کون قرغیزستان، اۉزبېکستان و افغانستان آره‌سیده امضالنگنیدن خبر بیردی. مجاهد جنابلری بوگون (۱۹-حوت، شنبه کونی) ایکس اجتماعی ترماغی ده، مذکور لایحه نینگ عملی ایشی میلادی کیله‌سی آی باشلنیب و خره‌جتی دنیا بانکی تامانیدن تولَنیلیشینی یازگن.
تورکیه دولت رهبری رجب طیب اردوغان، اوشبو مملکت نینگ استانبول شهری ده اوکراین جمهور باشیلغی ولودیمیز زلنسکی بیلن اۉچره‌شدی. آناتولی آژانسی گه کوره، رجب طیب اردوغان ۸ –مارچ، جمعه کونی استانبول شهری ده اوکراین جمهور باشلیغی ولودیمیز زلنسکی بیلن اۉچره‌شیب اوکراین ده دوام اېته‌یاتگن توقنشوولر حقیده بحث اېتگنلر.
افغانستان مسئله‌سی ۱۶-حوت، چهارشنبه کونی بیرلشگن ملتلر تشکیلاتی خوفسیزلیک کینگشی ییغیلیشی و اوشبو تشکیلات تامانیدن ترقه‌لگن گزارش ده ېنه بیر مراتبه بحث گه آلینگن.
ملی مدافعه وزیرلیگی گه کوره، اوشبو وزیرلیک سرپرستی محمدیعقوب مجاهد و افغانستان اردوسی باشلیغی فصیح‌الدین فطرت، قطر امیری تمیم بن حمد آل ثانی بیلن اۉچره‌شگن‌لر. اوشبو وزیرلیک بوگون (پنچ‌شنبه، ۱۷-حوت)، ایکس اجتماعی ترماغی ده، اوشبو اۉچره‌شوو ده تامان‌لر ایکّی مملکت نینگ مناسبت‌لری مستحکم‌لنیشی و باشقه مسئله‌لر حقیده بحث اېتگنلر.
افغانستان تخنیکی و مسلکی تعلیمات اداره مسئوللری، ۱۶-حوت، چهارشنبه کونی کابل ده خبری بیر ییغیلیش‌ده، اوشبو ییل مذکور اداره دن فارغ بولگن ۱۰۰۰ اوقووچینی ایش بیلن تامینله‌گنلرینی ایتگنلر.
ایران یېتکرمه‌لری اوشبو مملکت نینگ بنگی‌وار ماده‌لر گه قرشی کوره‌ش ستاد باش کاتبی اسکندر مومنی دن نقل قیلیب ایتیشلریچه، افغانستان دن ایران گه بنگی‌وار ماده‌لر قاچاقی کوپه‌یگن. ایران یېتکرمه‌لری نینگ گزارشی اساسیده، اۉتگن ییل ده سنتی بنگی‌وار ماده‌لر قاچاقی کمه‌یش گواهی اېدیلر بیراق عکسینچه ایران ده صناعتی بنگی‌وار ماده‌لر قاچاقی ۲۰ فایز آشگن.
اسلام امیرلیگی باش وزیری نینگ سیاسی اۉرین باسری محمد عبدالکبیر، حربی مسئوللر دن آدم اوغیرلاوچیلر و جمعیت ده ترتیب‌سیزلیکّه سبب بوله‌دیگن گروه‌لر گه قرشی «جدی چاره» کوریش‌لرینی سۉره‌گن. عبدالکبیر بو سۉزلرنی ۱۵-حوت، سه‌شنبه، نیچه کون آلدین آدم اوغری‌لر قولیدن قوتقیریلگن عبدالفهیم اسملی باله نینگ عایله اعضالری بیلن اۉچره‌شوو ده بیان قیلگن.
پاکستان رسمی‌لری نینگ، اوشبو مملکت ناتینچ‌لیک‌لریده افغان‌لر نینگ قولی بارلیگیگه دایر ادعالری دوام اېتماقده اېکن، ینگی‌لیکده اوشبو مملکت نینگ مشهور یېتکرمه‌لریدن دان‌نیوز، پاکستان‌لیک طالبلر تحریکی نینگ افغانستان‌لیک آلتی اعضاسی مذکور مملکت خوفسیزلیک کوچلری تامانیدن اۉلدیریلگنینی ایتگن.
اسلام امیرلیگی مدافعه وزیرلیگی نینگ سرپرستی محمدیعقوب مجاهد، قطر مدافعه وزیری خالد بن محمدالعطیه بیلن اۉچره‌شگن. مملکت مدافعه وزیرلیگی بوگون (سه‌شنبه، ۱۵-حوت)، ایکس اجتماعی ترماغیده، اوشبو وزیرلیک نینگ سرپرست وزیری محمدیعقوب مجاهد، قطر گه قیلگن سفری دایره‌سیده، مذکور مملکت مدافعه وزیری بیلن اوچره‌شگنینی یازگن.
تورکمن-افغان اوچ کون‌لیک کورگزمه‌سی بوگون (دوشنبه، ۱۴-حوت)، تورکمنستان پایتختی عشق‌آباد شهری ده، ۳۰۰ دن آرتیق افغان تدبیرکارلری شامل افغانستان صناعت و سوداگرلیک وزیرلیگی نینگ سرپرستی، منطقه و دنیا مملکت‌لری نینگ ایلچی‌لری حضوری بیلن آچیلدی.
نواز شاخه‌سی مسلم‌لیگ حزب اعضاسی شهباز شریف، اوشبو مملکت نینگ باش وزیری اوله‌راق تنلنگن.
بیرقطار مملکت‌لر افغانستان‌ده عصیانچی گروه‌لر نینگ تهدیدلریدن خواطر بیلدیرماقده اېکن، بیراق اسلام امیرلیگی رسمی‌لری مملکت ده داعش گروهی یوق اېتیلیشیدن ایشانچ بیرگنلر. اسلام امیرلیگی باش وزیری نینگ سیاسی اۉرین باسری محمدعبدالکبیر، ننگرهار بیرقطار یشاوچیلری و قوم بویوک‌لری بیلن اوچره‌شووده، افغانستان‌ده داعش گروهی اسلام امیرلیگی کوچلری تامانیدن یوق اېتیلگنینی ایتگن.
اسلام امیرلیگی، سۉنگی بیر هفته ایچیده اقتصادی ایکّینچی هیئتینی تورکمنستان گه یوللـه‌گن. اسلام امیرلیگی صناعت وسوداگرلیک وزیرلیگی نورالدین عزیزی ییتکچیلیگی ده اسلام امیرلیگی هیئتینی دولت اداره‌لری و خصوصی سکتور رسمی‌لری همراه‌لیک قیله‌دیلر.
دایکندی ده «نسیم» محلی رادیوسی بیش آی آلدین سرپرست حکومت تامانیدن یاپیلگندی، بوگون (شنبه، ۱۲-حوت) اېشتّیریشنی قیته باشله‌گن. دایکندی معلومات و مدنیت باشلیغی سیدمصطفا صالح نینگ سلام‌وطندار گه ایتیشیچه، نسیم رادیوسی معلومات و مدنیت وزیرلیگی همده دایکندی محلی مسئوللری نینگ قراری اساسیده، بوگون قیته دن اېشیتّیریشنی باشله‌گن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
