اسلامی امارت سوزلاوچیسی ذبیح‌الله مجاهد، افغانستان ده مذهبی ایرکین‌لیک نقض ایتیلیشی گه عاید، آمریکا بیرلشمه ایالتی تشقی ایشلر وزیرلیگی نینگ گزارشی گه عکس‌العمل کورستیب ایتگن که، مملکت‌ده مذهبی آزچیلیکلر نینگ برچه حقوقی محفوظ دیر.
مجاهد بوگون (یکشنبه، ۱۵-جوزا) توییتر صحیفه‌سیده یازگن که، بوتوغریده آمریکا تشقی ایشلر وزیرلیگی نینگ گزارشی ناقص دیر و ناتوغری معلومات‌لر اساسیده تیارلنگن.
بیزلرنینگ فیسبوک صحیفه‌میزگه باش اورینگ!
مجاهد نینگ کوپه‌یتیریشچه، اسلامی امارت اوشبو گزارش نی رد قیله‌دی. اونگه کوره، «افغانستان ده تسنن، شیعه، سیک و هنود وطندارش‌لریمیزدن برچه‌سی مذهبی ایشلری نی ایرکین بیر شکلده بجره‌دیلر.»
آمریکا تشقی ایشلر وزیرلیگی «۲۰۲۱-ییلده دنیا‌ده مذهبی ایرکین‌لیکلری» نینگ ییل‌لیک گزارشیده ایتگن که، چین، روسیه، عربستان، افغانستان، هند، پاکستان و باشقه مملکت‌لردن قطاری‌ده مذهبی ایرکین‌لیک نقض ایتیلیشی گه گواه ایکنلر.
بیزلرنینگ توییترده هم تعقیب قیلینگ!
آمریکا تشقی ایشلر وزیری آنتونی بلیکن، اوتگن هفته پنج‌شنبه کونی اوتکزگن صحبت‌لریده ایتگن که، افغانستان ده اسلامی امارت قدرت گه ایریشگنی بیلن، مذهبی ایرکین‌لیک یامان‌لنگن و اوشبو مملکت‌ده اینیقسه هزاره شیعه‌لری کوپینچه زوروان‌لیکلر و داعش گروهی نینگ هجوم‌لری گه روپه‌ره بولگنلر.
