پکتیا خوفسیزلیک مسئوللری نینگ ایتیش‌لریچه، اوشبو ولایت نینگ روحانی تومنی اطرافیده ۶ یاشر بیر قیز، بیرینچی‌ده اوغیرلنیب و اوندن کیین بیر خرابه‌ده سِرلی بیرشکلده اولدیریلگن.
پکتیا امنیه قوماندانلیگی سوزلاوچیسی عمر بدری نینگ سلام‌وطندار گه ایتیشیچه، سابق دولت‌ده حربی بولگن آته‌سی اولگن ایکن و مذکور قیز نینگ آنه‌سی ایسه بیوه دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوشبو قیز نینگ ابه‌سی، قیز نینگ آنه‌سی بیلن نکاح قیلیش نی ایسته‌ر ایکن؛ لیکن مذکور قیز نینگ آنه‌سی بو ایسته‌ک نی رد قیلگن.
پکتیا امنیه قوماندالیگی سوزلاوچیسی گه کوره، محکمه هم عیال فایده‌سی گه فیصله قیلیب و عیال اوز حقی و اوز میلی بیلن تورموش اورتاغ انتخاب قیله آله‌دی دیگن ایکن.
بیزلرنینگ توییترده هم تعقیب قیلینگ!
عمر بدری نینگ ایتیشیچه، اوندن کیین، اوشبو قیز نی نیچه کیشی اوغیرلب و اونی بیر خرابه‌ده تاش آرقه‌لی اولدیرگنلر.
پکتیا امنیه قوماندانلیگی سوزلاوچیسی گه کوره، مذکور باله نینگ قتل عیبی بیلن اوچ کیشی قولگه آلینگن و قولگه آلینگن کیشی‌لر نینگ عدلی و قضایی نهاد‌لر گه تاپشیریلیشی ممکن.
