سی‌ان‌ان خبری ترماغی، آمریکا کانگرسی و تشقی ایشلر وزیرلیگیده‌گی آگاه منبع‌لردن نقل قیلیب گزارش بیرگن که حاضرگچه کمیده ۸۰ آمریکا یشاوچیسی افغانستان ده موجود و اولر ایسه اوشبو مملکت نی ترک قیلیش نی ایسته‌یدیلر؛ بیراق بیر آیدن بویان تخیله پروازلری اسلامی امارت تامانیدن توخته‌تیلگن.
گزارشده کیلگن که پروازلر نینگ قچان قیته باشلنیشی بیللی ایمس. شونینگدیک آمریکا تشقی ایشلر وزیرلیگی سوزلاوچیسی ند پرایس، اوتگن کون تخلیه پروازلر خصوصیده‌گی سوراقلر گه بیللی جواب بیرمه‌گن، لیکن ایتگن که آمریکا اوز یشاوچیلری و زیان کورگن کیشیلر نی افغانستان‌دن تخلیه قیلیش اوچون متعهد دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیرشیچه، آمریکا یشاوچیلری و عایله‌لریدن اونلرچه‌سی افغانستان‌دن انتقال بیریلیش اوچون تیارلر.
شونده‌ی بیرحالده، سی‌ان‌ان نینگ یازیشیچه، قطری رسمی‌لری تخلیه پروازلر نینگ قیته باشلنیشی اوچون اسلامی امارت بیلن علاقه گه دیر، بیراق حاضرگچه بیر نتیجه قولگه کیلمه‌گن.
بوگزارش نی منبع‌لریدن نقل قیلینگن که اسلامی امارت نینگ ایتیشیچه، اوشبو پروازلرده حضوری تاپه‌دیگن کیشیلرگه، سفر قیله‌دیگن مملکتلر نینگ ویزاسی بولیشی کیره‌ک. شونینگدیک باشقه بیر منبع نینگ ایتیشیچه، اسلامی امارت آدملری انتقال بیریش خصوصیده‌گی ایسته‌ککه قیینچلیکلر بار.
بیزلرنینگ توییترده هم تعقیب قیلینگ!
شونینگدیک بوندن آلدین، آمریکا رسانه‌لری گزارش بیرگن ایدیلر که اسلامی امارت رسمی‌لری تخلیه پروازلریده آدملری نینگ انتقال بیریلیشی نی ایسته‌گن ایکن، بیراق قطری‌لر ایسته‌ک نی رد قیلگن ایکنلر که بو موضوع کابل‌دن تخلیه پروازلر نینگ توخته‌یشی گه سبب بولدی.
