په افغانستان کې د ملګرو ملتونو د ماشومانو د ملاتړ صندوق یا یونیسف وايي، په روان زېږدیز کال کې یې د ۲۸زرو افغان روغتیايي کارکوونکو ملاتړ کړی دی.
د سلاموطندار پښتو فېسبوکپاڼه وڅارئ
یونیسف په یوه خبرپاڼه کې چې پر اېکس یې خپره کړې، ویلي چې د باکیفیته روغتیايي خدمتونو رسوونکي دغه شمېر کارکوونکي به میندو او ماشومانو ته خدمتونه ورسوي. په خبرپاڼه کې زیاته شوې: «نرسانې د افغانستان د درملنې څانګې د کادر تر ټولو لویه برخه جوړوي.»
یونیسف او یوشمېر نورو بنسټونو د ا.ا له واکمېدو وروسته د افغانستان د روغتیايي سکټور ملاتړ ته دوام ورکړی دی.
په افغانستان کې د ملګرو ملتونو د ماشومانو د ملاتړ صندوق تر دې مخکې ویلي و چې د ۲۰۲۴ کال په اوو میاشتو کې یې د ۲۴۰ روغتیايي مرکزونو له لارې ۱۸ میلیونه افغانانو ته روغتیايي خدمتونه رسولي دي.
