د غور محلي مسوولان وايي، پرون (د غويي ۲۸مه، د جمعې ورځ) په دغه ولایت کې خونړي سېلابونه راغلي چې له کبله یې دیارلس کسانو خپل ژوند له لاسه ورکړی دی.
د سلاموطندار پښتو فېسبوکپاڼه وڅارئ
د غور د والي ویاند عبدالواحد حماس وايي، یاد کسان د دغه ولایت په مرکز او ولسوالیو کې مړه شوي دي.
د نوموړي په خبره، لا هم د مړو شویو کسانو کره شمېرې نهدي په ډاګه شوي او ښايي تر دې هم لوړې وي. هغه زیاتوي چې هره شېبه د مړو شویو کسانو شمېر په بدلېدو دی.
د غور محلي مسوولان وايي، په مړو شویو کسانو کې ښځې، ماشومان او نارینه شامل دي.
بلهخوا د غور د مرکز یوشمېر اوسېدونکي وايي، راغلیو سېلابونو کلي وړي او خلکو ته یې د ځاني زیان تر څنګ، مالي زیانونه هم اړولي دي.