د ا.ا ویاند ذ.بېحالله م.جاهد وايي چې د ا.ا د مشر هبت.الله اخوند.زاده د حکم له مخې، په یوه وزارت او څو ادارو کې نوې ګومارنې شوې دي.
د سلاموطندار پښتو فېسبوکپاڼه وڅارئ
نوموړي پر اېکس لیکلي چې د افغانستان بانک پخوانی سرپرست هدایتالله بدري د کانونو او پټرولیم وزارت د سرپرست او د افغانې سرې میاشتې ټولنې مخکینی مرستیال نورالدین ترابي د پېښو پر ړاندې د مبارزې ملي ادارې د سرپرست په توګه ټاکل شوي دي.
هغه زیاته کړې چې د کانونو او پټرولیم وزارت مخکینی سرپرست شهابالدین دلاور د افغانې سرې میاشتې ټولنې د سرپرست او د سرې میاشتې مخکینی سرپرست مطیعالله خالص د چاپېریال ساتنې ملي ادارې د سرپرست په توګه ټاکل شوي دي.
دغه راز، د افغانستان بانک لومړی مرستیال د دغه بانک د سرپرست او د سوداګرۍ او صنایعو مخکینی مرستیال قدرتالله جمال د اطلاعاتو او کلتور وزارت د ګرځندوی، مالي او اداري مرستیال په توګه ټاکل شوي دي.
د هبت.الله اخوند.زاده د حکم پر بنسټ، د استخباراتو عمومي ریاست د فساد پر وړاندې د مبارزې ریاست سرپرست احمدالله زاهد د سوداګرۍ او صنایعو وزارت د مرستیال او د چاپېریال ساتنې ملي ادارې مخکینی سرپرست حافظ عزیزالرحمان د افغانې سرې میاشتې ټولنې د مرستیال په توګه ټاکل شوي دي.