د راپورونو پر بنسټ، اسراییلي ځواکونو پر غزې بریدونو ته دوام ورکړی او تېره ورځ د غزې بېلا بېلو سیمو کې لږترلږه ۳۷ کسان وژل شوي.
په وژل شویو کې هغه ۶ وروڼه هم شامل دي چې رضاکاران وو او لوږه ځپلو فلسطینیانو ته یې خواړه ورکول.
دې سره، د روغتیا نړیوال سازمان ویلي، یو فلسطینی ماشوم د غزې ښار په «الاحلي» روغتون د اسراییلي ځواکونو بمبارۍ پرمهال وژل شوی.
په یاد روغتون د اسراییل برید په نړیواله کچه غندل شوی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د روغتیايي مسوولانو په وینا، د غزې جګړه کې لږترلږه ۵۰،۹۴۴ فلسطینیان وژل شوي او ۱۱۶،۱۵۶ نور ټپیان دي.
دا داسې مهال دی چې د یمن چارواکو هم ویلي، پلازمینې صنعا ته نږدې د امریکا بریدونو کې ۵ کسان وژل شوي او ۱۳ نور ټپیان دي.
ورته وخت کې د یمن حوثيانو ادعا کړې چې د اسراییلو په هوايي ډګر یې توغندیز بریدونه کړي دي.
