ننګرهار کې د سېلابونو راوتلو له امله څلور کسان مړه او شپږ ټپیان شوي
د ننګرهار محلي مسوولان وايي چې بېګاه شپه د جلالاباد ښار اړوند شیخ مصري سیمه کې د اورښتونو له کبله د یوه کور چت پرېوتی چې د یوې کورنۍ څلور ماشومانو په کې ژوند بایللی او یو بل کس ټپي شوی دی.
پنجشېر کې سېلابونو خلکو ته ګڼ مالي زیانونه اړولي
د پنجشېر محلي مسوولان وايي چې دغه ولایت کې د وروستیو اوروښتونو له کبله سېلابونه راوتلي چې له امله خلکو ته ګڼ مالي زیانونه اوښتي دي.
طالبانو پکتیا کې د سلام مخابراتي شبکې ۱۱سایټونه ویجاړ او لوټ کړي
په سوېل ختيځ زون پکتيا ولایت کې د افغان ټلې کام مسوولان وايي، د وسلوالو طالبانو له لوري په نيول شويو ولسواليو کې د سلام مخابراتي شبکې ۱۱سايټونه، وېجاړ شوي او تخنيکي وسايل يې لوټ کړي دي. دوی وايي ۷ نور سايټونه هم د طالبانو له لوري بند شوي چې دا مهال ورته د فعاليت اجازه نه ورکول کېږي.
طالبانو بدخشان کې د آس مجسمې ویجاړې کړي
د بدخشان ولایت محلي چارواکي وایي چې د دغه ولایت په کشم ولسوالي کې د اس مجسمې چې د وزلوبې ښکارندویي کوله او په دې وروستیو کلونو کې جوړې شوې وې، د طالبانو له لوري ویجاړې شوي دي.