خوست کې د ډلهييز قبر موندل کېدل؛ د تريتم شویو کسانو د کورنۍ غړي عدالت غواړي
له هغه وروسته چې په خوست کې یو ډلهييز قبر کې له ۱۰۰ څخه ډېر مړي پهکې وموندل شول، یوشمېر خوستوال چې د کورنۍ غړي یې پخوا تريتم شوي، له نړیوالو ادارو د پلټنو او عدالت غوښتنه کوي.
د خوست ولایتي مسوولان وایي، وړمه ورځ یې د دغه ولایت په مرکز کې شیخ زاید پوهنتون ته نږدې د یوه چېکډیم د جوړېدو پر مهال په یوه ډلهييز قبر کې سل جسدونه موندلي او نن یې په یوه بله سیمه کې خاورو ته سپارلي دي.
