تر راتلونکيو ۷ مياشتو به افغانستان ته د کرونا واکسين لومړۍ جوپه راورسېږي
د عامې روغتيا وزارت وايي، تر راتلونکيو ۷ مياشتو به افغانستان ته د کرونا واکسين لومړۍ جوپه راورسېږي. دغه څرګندونې نن د ياد وزارت وياند اکمل سمسور په کابل کې په يوه خبري ناسته کې وکړې.
نړیوال بانک او له کرونا ويروس سره د مبارزې نړیوال ایتلاف افغانستان لپاره د کرونا واکسینو د تمویل دوه سرچینې دي او په راتلونکيو دوه کلونو کې به نږدې ۴۰ سلنه افغانان له واکسین څخه برخمن شي.