هرات کې جوړ شوي دوه موټر نندارې ته وړاندې شول
هرات کې په لومړي خل جوړ شوي دوه موټره نندارې ته وړاندې شول. دغه موټر چې یو یې لیموزین او بل یې د ګرځنده رسټورانټ په بڼه جوړ شوي، پرون پنجشنبه د غويي ۲۸مه د هرات ښار پر سرکونو یې ازمیایښتي حرکت وکړ چې د خلکو له تود هرکلي سره هم مخ شو. د یوه موټر جوړونکی غوثالدین بارکزی سلاموطندار ته وايي چې له فورګرس موټر څخه یې شپږ دروازې لرونکی «لېموزین» ډوله موټر جوړ دی.
