اسلامي امارت د اسلام د پیغمبر په اړه د پوتین څرګندونې ستایلي دي
د اسلامي امارت د بهرنیو چارو وزارت د مسلمانانو او د افغانستان د کنګل شویو زېرمو د ازادېدو په اړه د روسیې د ولسمشر ولادیمیر پوتین له وروستیو څرګندونو هرکلی کړی دی.
د اسلامي امارت د بهرنیو چارو وزارت ویاند عبدالقهار بلخي بېګاه شپه په خپل ټویټرپاڼه لیکلي چې اسلامي امارت د ولادیمیر پوتین د وروستیو څرګندونو درناوی او هرکلی کوي.
