د مایکروسافټ شرکت مسوولان وايي چې د روان ۲۰۲۵ میلادي کال په مې میاشت کې به د سکايپ خدمات ودروي.
سکایپ چې د ویډیويي او غږیزې مکالمې د غوره وسیلې په توګه کارول کېده، له څه باندې ۲۲ کلونو وروسته تړل کېږي.
سکایپ په ۲۰۰۳کال کې هغه مهال چې لا ځیرک ټیلیفونونه عام نهوو، د غږیزې او ویډیويي اړیکې لپاره تر ټولو غوره وسیله بلل کېده چې میلیونونو کسان کاراوه، خو د زوم او سلاک په څېر شبکو په رامنځتهکېدو سره سکایپ خپل کاروونکي له لاسه ورکړل.
د سلاموطندار پښتو فېسبوکپاڼه وڅارئ
په ورته مهال مایکروسافټ په ۲۰۱۹کال کې د کورونا پرمهال د ټیمز «TEAMS» په نوم اپلېکېشن بازار ته وړاندې کړ چې ورسره د سکایپ کارونکو د کمېدو ستر لامل ګڼل کېږي.
مایکروسافټ په ۲۰۱۱کال کې سکایپ په اته اعشاریه پنځه میلیارډ ډالرو وپېره چې هغه مهال یې، څه باندې ۱۵۰ میلیونه کاروونکي درلود.
په ۲۰۲۳کال کې د سکایپ کاروونکو شمېر یوازې ۲۳ میلیونه ښودل شوی دی.
د مایکروسافټ شرکت د معلوماتو له مخې، د دوی د نوي ټیمز اپلېکېشن څخه دا مهال ۳۲۰ میلیونه کسان کار اخلي.
مایکروسافټ دا نهدي ویلي چې د سکایپ په تړلکېدو سره به څومره کسان خپلې دندې له لاسه ورکړي.
