د هند کرېکټ غوره لیګ یا ایپياېل کې سیالیو په لړ کې نن راجستان رویلز له ډيلي کپېټلز سره لوبه کوي.
ټاکل شوې چې یاده لوبه نن ماښام ۶:۳۰ بجې د جېپور په «سوای منسېنګ کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
راجستان رویلز لوبډلې د ۲۰۲۴کال روان ایپياېل پړاو کې تر دې مهاله یوازې یوه لوبه کړې چې بریا یې پهکې ترلاسه کړې. ډیلي هم یوه لوبه کړې او بایللې یې ده.
راجستان له لکناو لوبډلې ګټلې او ډیلي بیا پنجاب ته سیالي وبایلله. راجستان رویلز دویم او ډیلي کپېټلز د جدول اتم ځای کې دی.
له ۲۰۲۱کال راهیسې دواړو لوبډلو تر دې مهاله پنځه سیالي کړي چې ډیلي لوبډلې یوازې یو ځل راجستان مات کړی دی.
د یادو سیالیو په بېګانۍ لوبه کې چې د ریکارډ هدف پهکې ټاکل شوی و، سنرایزر حیدراباد لوبډلې ممبی انډیینز ته ماته ورکړه.
حیدراباد لوبډلې دې سیالي کې ممبی ته په ټاکل شویو ۲۰ اورونو کې ۲۷۸ منډو هدف ورکړی و چې ممبی لوبډلې یې په ځواب کې یوازې ۲۴۵ منډې وکړې. سنرایزر د ۳۱منډو په توپیر بریا خپله کړه.