د هند کرېکټ غوره لیګ «ایپياېل» کې نن د ممبی انډیینز کرېکټ لوبډله د پنجاب کنګز له لوبډلې سره سیالي کوي.
ټاکل شوې چې یاده لوبه نن «پنجشنبه، اپرېل ۱۸مه» د هند د مولانپور په «مهاراجا یډفنډرا سېنګ کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
دواړو لوبډلو تر دې مهاله روان لیګ کې شپږ لوبې کړي چې یوازې دوه-دوه یې ګټلې دي. پنجاب کنګز لوبډله په دوو بریاوو او څلور ماتو سره د جدول په اتم ځای کې شتون لري.
د ممبی انډیینز لوبډله بیا د جدول نهم ځای خپل کړی او له شپږو سیالیو یې، دوه ګټلي او څلور یې بایللې دي.
د دواړو لوبډلو ترمنځ په شویو وروستیو شل اووره سیالیو کې پنجاب کنګز لوبډلې درې ځلې بریا خپله کړې او ممبی هم دوه ځلې پنجاب کنګز ماته کړی دی.
د افغانستان کرېکټ ملي لوبډلې پیاوړی لوبغاړی محمدنبي هم له ممبی انډیینز لوبډلې سره لوبېږي.
د یادو سیالیو په ترڅ کې بېګاه ډیلي کپېټلز په یوې په زړه پورې لوبه کې د راشدخان ګجرات ټایټنز ته ماته ورکړه.