اسراییلي ځواکونو د غزې پر بېلا بېلو سیمو بریدونو ته دوام ورکړی او یوازې تېره ورځ جمعه دغو بریدونو کې ۱۰۶ فلسطینیان وژل شوي او ګڼ شمېر نور ټپیان دي.
الجزیرې خبري شبکې نن (شنبه، اسد ۱۱) راپور ورکړی چې ۱۲ کسان هغه وخت ووژل شول او ۹۰ نور ټپیان شول کله چې اسراییلي ځواکونو هغه ملکي وګړي په نښه کړل چې د غزې ښار جنوب لوېدیځ کې د مرستو لپاره راټول شوي وو.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د غزې د روغتیا وزارت په وینا، دوه ماشومان او یو کس بیا د “قحطۍ او خوارځواکۍ” له امله مړه شوي دي چې په دې سره غزه کې د لوږې له امله د مړو شمېر ۱۶۲ ته ورسېد چې ۹۲ یې ماشومان دي.
د راپور پر اساس، نن شنبې په غزه کې د اسراییلو په بریدونو کې لږ تر لږه ۲۱ فلسطینیان وژل شوي چې ۱۲ یې مرسته غوښتونکي دي.
د غزې پر وړاندې د اسراییل جګړه کې لږ تر لږه ۶۰ زره او ۳۳۲ فلسطینیان وژل شوي او تر ۱۴۷ زره زیات ټپیان شوي دي.