د راپورونو پر اساس، له تېرې شپې راهیسې د اسراییل په بېلا بېلو سیمو د ایران توغندیزو بریدونو کې لږ تر لږه ۸ کسان وژل شوي او تر ۱۰۰ ډېر ټپیان دي.
دغو بریدونو کې د اسراییل دننه د یو شمېر ودانیو د ویجاړېدو خبرونه هم ورکړل شوي.
ویل شوي چې ۳۸ کسان تر خاورو لاندې دي او د ژغورنې عملیات یې روان دي.
اخوا پر ایران د اسراییل تازه بریدونو کې یو ځل بیا تهران کې مهم اهداف نښه شوي، خو د مرګژوبلې راپور یې نه دی ورکړل شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
داسې ښکاري چې له دریو ورځو هوایي او توغندیزو بریدونو وروسته د اسراییل او ایران ترمنځ پوځي نښته په یوې جګړې بدله شوې ده.
ورته وخت کې ایراني رسنیو راپور ورکړی چې د ایران سپاه پاسداران د یوې اعلامیې په خپرولو سره ویلي، د بېپیلوټه الوتکو او توغندیو په مرسته یې د اسراییل د نفت او انرژۍ تاسیسات په نښه کړي.
سپاه پاسداران خبرداری ورکړی چې که اسراییل پر ایران بریدونو ته دوام ورکړي، له پراخو عملیاتو سره به مخ شي.
