خوست کې هغه درې کسان نیول شوي چې غوښتل یې د پیسو په بدل کې د خلکو کورونو ته «لاسي بمونه» وروغورځوي.
د خوست امنیه قومنداني څخه سلاموطندار ته په رالېږل شوې خبرپاڼه کې ليکل شوي چې د څلورمې امنيتي حوزې ځواکونو د یادې حوزې «ګوډاخارهسیمه» کې دغه کسان نیول شوي دي.
د سلاموطندار پښتو فېسبوکپاڼه وڅارئ
خبرپاڼه کې لیکل شوي، نیول شویو کسانو غوښتل د پیسو په بدل کې کورو ته لاسي بمونه (ګرنیټونه) ور وغورځوي.
په خبرپاڼه کې ويل شوي چې له نیول شویو کسانو سره درې لاسي بمونه هم نیول شوي دي.
خبرپاڼه کې دا هم ويل شوي چې امنیتي ځواکونه د هغو کسانو په لټه دي چې نیول شویو کسانو ته یې د یاد پلان په بدل کې پیسې ورکولې.