د هرات محلي مسوولان وايي چې دغه ولایت کې یې د ګرمۍ له امله د ۱۲ ورځو لپاره ټول ښوونځي رخصت کړي دي.
د هرات د والي ویاند نثاراحمد الیاس سلاموطندار ته ویلي چې دغه پرېکړه یې د محلي ادارې په وړاندیز د یاد ولایت د پوهنې ریاست او پوهنې وزارت په ګډه همغږۍ کړې ده.
د سلاموطندار پښتو فېسبوکپاڼه وڅارئ
د هرات د والي ویاند زیاته کړه چې دغه ولایت کې به ټول ښوونځي د سختۍ ګرمۍ او لوی اختر په مناسبت د روانې غبرګولي میاشتې له ۳۰ د سرطان میاشتې تر ۱۲مې نېټې پورې تړلې وي.
د نوموړي په وینا، له رختصي وروسته به د دغه ولایت ټولو ښوونځیو کې د «چهارنیما» ازموینې پیل شي.
دا په داسې مهال دی چې په دې وروستیو ورځو کې د هرات په ګډون په ځینو نورو ولایتونو کې هم د تودوخې څپې پراخې شوي او د خلکو ورځنۍ چارې یې ټکنۍ کړي دي.