د چین د هواوې ټکنالوژي شرکت مسوولان وايي، تمه لري چې ۲۰۲۳ کال کې به یې ۷۰۰ میلیارډه یووان «۹۸.۵ میلیارډ ډالره» ګټه کړې وي.
رویترز خبري اژانس «شنبه، ډسمبر ۳۰مه» راپور ورکړی چې د یاد شرکت دغه عواید ۲۰۲۲ کال کې ۶۴۲.۳ میلیارډه یووان وو چې د سږکال عوایدو ته په کتو نهه سلنه ډېروالی ښيي.
د هواوې دغه اټکل د دې ښکارندوینه کوي چې د امریکا لهخوا په ۲۰۱۹ کال کې پر دې شرکت بندیزونو چې د هواوې سوداګري یې ګډوډه کړې وه، بېرته خپل عادي حالت ته پر راګرځېدو ده.
د هواوې د څار مشر کېنهو د نوي کال په پیغام کې له خپلو شریکانو د مننې ترڅنګ ویلي: «غواړم د هواوې له ټولو غړیو د دې مبارزې لپاره مننه وکړم چې هېڅکله تسلیم نهشول او زموږ ترڅنګ ودرېدل.»
هو همداراز په دې پیغام کې زیاته کړې چې «له کلونو سخت کار وروسته پر دې بریالي شو چې له توپان تېر او اوس خپلو موخو ته راګرځېدلې یوو.»
هو وویل چې روان ۲۰۲۳ کال کې یې د تمو خلاف یې د یاد شرکت تولید شوي ځیرک ټیلیفونونه خرڅ کړې دي.