د کورنیو چارو وزارت سرپرست خوست کې یوې غونډې ته د وینا پر مهال ویلي، اوسنی حکومت باید د خپلې حکومتولۍ چارې داسې سمبال کړي چې له مخې یې، د ولس ملاتړ ترلاسه کړي.
سراجالدین حقاني دغه څرګندونې پنجشنبه کب درېیمه خوست کې د مرکزي دارالایتام څخه له دیني زدهکړو څځه د یوشمېر زدهکوونکو د فراغتغونډې ته کړې دي.
د سلاموطندار پښتو فېسبوکپاڼه وڅارئ
هغه حکومتي مسوولانو ته په خطاب کې وویل چې داسې حکومت دې وکړي چې ولس اوسنی حکومت خپل وګڼي او په وینا یې، که حکومت سره د ولس ملاتړ وي، شته امنیت او ارامي به پایښت لرونکې وي.
حقاني وويل: «موږ بايد داسې نظام وچلوو چې د ولس حمايت خپل کړو، ما هغه بله ورځ هم يوه غونډه کې وويل چې موږ د دې ملت خلک يوو، نن چې دا ملت زما سره وي، دا نن چې په څلور دېرش ولايتونو کې ارامي وينم، همداسې به ارامي وي.»
د کورنيو چارو سرپرست سراجالدین حقاني همداراز زیاته کړه چې ا.ا د شريعت په رڼا کې د خپلو شهيدانو د يتيمانو پالنه او روزنه کوي، په هماغه ډول د تېر حکومت د ټولو يتيمانو پالنه او روزنه خپل مسووليت بولي.
هغه همداراز وویل چې ا.ا ټولو انساني حقونو ته ژمن دی او په وینا یې، نړيوالو افغانستان کې د بېګناه خلکو په وژنو تېرو شلو کلونو کې ثابته کړې چې انساني حقونو ته درناوی نهلري او تر پښو لاندې کړي یې دي.