د هند کرېکټ غوره لیګ «ایپياېل» سیالیو په ترڅ کې نن د ګجرات ټایټنز لوبډله له ډیلي کپېټلز لوبډلې سره لوبه کوي.
ټاکل شوې چې یاده لوبه نن چهارشنبه، اپرېل پنځمه د هند د ډیلي «په اروت جېټلې کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
ګجرات لوبډله چې تر دې مهاله یې دغه لیګ کې اته لوبې کړي چې څلور یې ګټلي او څلور یې بایللې دي. دغه لوبډله د سیالیو په جدول کې پر شپږم ځای ده.
یادې لوبډلې خپله تېره لوبه د پنجاب کنګز لوبډلې پر وړاندې وکړه چې د افغان لوبغاړو د ښې ځلېدنې پر مټ یې بریا خپله کړه.
ګجرات تایټنز لوبډله کې درې افغان لوبغاړي، راشدخان، نوراحمد او عظمتالله عمرزی لوبه کوي.
بلخوا ډیلي کپېټلز چې نن د ګجرات کوربهتوب کوي، د سیالیو د جدول اتم ځای لري. دې لوبډلې هم له کړیو اتو سیالیو څخه درې ګټلي او پنځه یې بایللې دي.
د دواړو لوبډلو ترمنځ په شویو وروستیو څلورو لوبو کې دوه ځلې ډیلي او دوه ځلې هم ګجرات ټایټنز بریاوې خپلې کړې دي.
د یادو سیالیو په بېګانۍ لوبه کې لکناو سوپر جاینټز لوبډلې په یوې په زړه پورې لوبه کې چینای سوپر کنګز ته ماته ورکړه.