له نږدې دوه کلن ځنډ وروسته افغانستان ته په لومړي ځل د «فلای دوبۍ» هوايي شرکت الوتنې بېرته پیل شوې.
د حکومت د رسنیو مرکز نن چهارشنبه د لړم ۲۴مه پر اېکس لیکلي چې دغه الوتنې د ریاستالوزرا اقتصادي معاونیت او د ټرانسپورټ هوايي چلند وزارت په هلو ځلو بېرته پیل شوې دي.
فلای دوبۍ الوتنې نن نن کابل ته خپله لومړۍ الوتنه هم وکړه. د رسنیو مرکز همداراز لیکلي چې د فلای دوبۍ الوتنو پیل به د هوايي شرکتونو ترمنځ د ټکټونو بیو برخه کې سالم رقابت هم رامنځته کړي.
د رسنیو مرکز لیکلي: «کابل ته د فلای دوبۍ پروازونو پيل ښيي چې د افغانستان فضاء د هر ډول پروازونو لپاره خوندي او عادي حالت ته راګرځېدلې او د افغانستان په ټولو هوايي ډګرونو کې اړین سهولتونه برابر او په معیار برابر خدمتونه وړاندې کېږي.»
د ریاستالوزراء اقتصادي معاونیت او د ترانسپورت او هوایي چلند وزارت د پرلهپسې هڅو په پایله کې له شاوخوا دوه کلونو وروسته د فلای دوبۍ پروازونه افغانستان ته بیا پيل او نن چهارشنبه د روان لمریز کال عقرب میاشتې په ۲۴مه نېټه یې لومړی پرواز کابل نړیوال هوايي ډګر ته ترسره شو. pic.twitter.com/PrkjW7NZz2
— مرکز رسانه ها – د رسنیو مرکز (@GMICafghanistan) November 15, 2023
سلاموطندار پر ټویټر هم وڅارئ
له دې وړاندې ځینو نورو هوايي شرکتونو هم افغانستان ته له یوه څه ځنډ وروسته خپلې الوتنې بېرته پیل کړې وې.