د بدخشان امنیې قومنداني تېره ورځ (پنجشنبه، وري ۲۱) یوه خبرپاڼه کې ویلي چې له وړمې ورځې راهیسې مرکز فیضاباد ښار، کشم، تګاب، شهربزرګ، مایمي، راغ، فتل او جرم ولسوالیو کې د سېلابونو راوتو په دلیل د سیمې خلکو ته درانه مالي زیانونه اوښتي دي.
خبرپاڼه کې ویل شوي چې تازه مورد کې د فیضاباد ښار د څلورمې امنیتي حوزې اړوند سیمه کې د اوسېدو څو کورونه نړېدلي دي.
د یادونې ده چې کشم ولسوالي کې سېلابونو سلګونه جریبه کرنیزه ځمکه ویجاړه کړې، باغونه، د اوبو رسولو شبکې او پلونه یې هم وران کړي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
سېلابځپلې کورنۍ هم له سرپرست حکومت او مرستندویه بنسټونو غواړې چې ژر تر ژره د سېلابځپلیو کورنیو سروې وکړي، ترڅو له زیانمو شویو کورینو سره مرستې وشي.
د یادونې ده چې تر دې وړاندې هم د هېواد یوشمېر ولایتونو کې د سېلابونو راوتو په دلیل، هېوادوالو ته د سر او مالي درانه زیانونه اوښتي دي.
