د انګلستان کرېکټ ملي لوبډله په خپل کوربهتوب نن د نیوزیلنډ کرېکټ ملي لوبډلې سره درېیمه شل اووره لوبه کوي.
انګلستان د څلورو شل اووره سیالیو د لوبلړۍ لومړۍ دوه لوبې ګټلې دي.
ټاکل شوې چې یاده لوبه نن یکشنبه د سپټمبر درېیمه د بېرمېنګم په «اېډجباسټن» لوبغالي کې ترسره شي.
د دواړو لوبډلو ترمنځ به راتلونکې او وروستۍ شل اووره لوبه د روانې سپټمبر پر پنځمه نېټه وشي.
انګلستان په خپلو پنځو نړیوالو شل اووره سیالیو کې دوه ګټلي او درې یې بایللې دي. نیوزیلنډ بیا دوه ګټلي او درې یې بایللي دي.
د کوربه انګلستان او نیوزیلنډ د کرېکټ ملي لوبډلو ترمنځ د شل اووره سیالیو د لوبلړۍ سربېره دواړه لوبډلې یو ورځنۍ سیالي هم لري.
سلاموطندار پر ټویټر هم وڅارئ
دواړه لوبډلې به د څلورو یو ورځنیو سیالیو لوبلړۍ د روانې سپټمبر میاشتې په اتمه نېټه پیل کړي.