د لوګر سیندیزې فرعي حوزې ریاست چارواکي وایي چې د محمداغې ولسوالي اړوند د «اببازک» سیمه کې د پنځه زره مترمکعب اوبو په ظرفیت د یو چکډېم د جوړیدو چارې پيل شوې.
د لوګر سیندیزې فرعي حوزې ریاست تخنیکي سلاکار انجینیر فضلالرحمن عمرزي سلاموطندار ته وویل، یاد چکډېم د څه باندې ۵۰۰۰ متره مکعب اوبو د زېرمې ظرفیت لري او د راتلونکو درېوو میاشتو په موده کې به بشپړ شي.
د سلاموطندار پښتو فېسبوکپاڼه وڅارئ
د نوموړي په وینا، پر دغه چکډېم شاوخوا پنځه میلیونه افغانۍ لګښت راځي چې په بشپړېدو سره به یې د ځمکې لاندې اوبو زېرمې پياوړې شي.
باید وویل شي چې په تېر یوه کال کې هم د اوبو او برښنا وزارت له لوري په مرکز پلعلم او ولسوالیو کې شاوخوا نهه چکډېمونه جوړ شوي دي.